Roniştişê Ayşe Çeçene 22ê Temmuze de yo 

2020-05-15 10:06:57


	 

	MÊRDÎN - Keyeyê Ayşe Çeçene 7 serrî verê îxbarê vindîbîyayene kerdib û dimayê cigêrayîşî newe ra ameye rojeve, vejîya meydan ke ameya qetilkerdene. Vejîya meydan ke Ayşe hetê çawîşo pisporo bi nameyê E. T ra rastê îstîsmarê cinsî ameya û hetê pî û dedê xo ra ameya qetilkerdene. Cigêrayîş derheqê Ayşe de ame amadekerdiş temam bi û roniştişê yewin do 22ê Temmuze de bêro vînayene.

	 

	Qoserê Mêrdînî de 2013 de keyeyê Ayşe Çeçene (17) muracatê vindîbîyayene kerdib, la vejîya werte ke Ayşe ameya qetilkerdene. Dimayê ke cenazeya ci ameye vînayene, hetê keyeyê aye ra ameye teşîskerdene. Çarçewaya ameye destpêkerdene de pîyê Ayşe, M.F.Ç, dedê aye Î.Ç, û merdimê aye Î. Ç. ke ameyî tepiştene, vejîya meydan ke Ayşe, bi çek ameya qetilkerdene. Vejîyabi meydan ke Ayşe hetê çawişo pisporo  bi nameyê E.Tyî ra rastê îstîsmarê cinsî ameya, dima ra erşawitê keyeyê aye û serê nê de endamê keyeyî ra ameya qetilkerdene.

	 

	Dimayê Ayşe, proseso huqûqî ame destpêkerrdene û yewin roniştiş 22ê Temmuze de bêro vînayene.

	 

	'Hedîse ameye nimtene'

	 

	Waya Ayşe, Berfîn Çeçene da zanayene ke dimayê hedîseya 7 serrî verê vejîyaya meydan, travma ciwîyayê û vat: "Ayşe, rastê tecawizê çawişo pisporo bi nameyê E.Tyî ameye. O wext 17 serrî bî. Ez zî 14 serrî bîya. O wext keyeyî gerre kerd la paşta o kesî saxlem bî. Serê hedîseyî padayî. Dima ra Ayşe vindî bî. Ma îxbar kerd. Dima ra cenazeyêke ameye vînayene. Keyeyî ra kesê bînan teşîs kerdî. Dimayê ke vejîya werte ke waya mi kiştê."

	 

	'Wa cezaya xo biancê'

	 

	Berfîne dîyar kerde ke Ayşe rastê tecawizî ameya, erşawitê stargeh û vat: "Êyê ke ameyê tepiştene na rewşe qebul nêkenê. Ez wazena ke cezaya xo biancê. Wa edelet bi ca bêro. sucê xo qebul nêkenê. Derheqê dewa de tu çîyêk nêvanê. Yewin roniştiş 22ê Temmuze de yo. Wa pêro cinî a roje uca de bê. Êyê ke waya mi kiştî, wa cezaya xo biancê."

	 

	Platformê Cinîyan ê Şahmaranê Mêrdînî zî vengdayîşê beşdarbîyayîşê dewaya seba Ayşe kerdî û vatî: "Semedo ke kiştoxî cezaya xo biancê, çi destê înan ra bêro do bikerê. Ma seke platformî, a roje salone de bê. Wa a roje pêro cinî uca de bê."