Meclîsê Cinîyan ê HDKyî kampanyaya ‘paştdayîşê cinîyan her ca de yo’ 

2020-05-16 14:21:50


	 

	 

	 

	STENBOL - Meclîsê Cinîyan ê HDKyî, bi amancê paştdayîşê cinîyan girs bikerî, bi şîarê ‘paştdayîşê cinîyan her ca de yo’ kampanya dayî destpêkerdene.

	 

	Meclîsê Cinîyan ê HDPyî, derheqê zêdebîyayîşê şîdetê ê prosesê vîrusa koronayî de xeylêk munaqeşe kerdî û netîceyê munaqeşeyan de bi amancê vernîgirewtişê şîdetî bi şîarê ‘paştdayîşê cinîyan her ca de yo’ qerarê awankerdişê xeta paştdayîşî û yewîneyan da.

	 

	Rojê ameyox de zî do xeta paştdayîşî bêra îlankerdene û meclîsî dîyar kerde ke do paştdayîşî dimayê prosesê pandemî de zî dewam bikero.

	 

	Verfeka Meclîsê Cinîyan ê HDKyî ya Stenbolî Aynur Cengîze da zanayene ke fikrê kampanyaye, prosesê pandemî de vejîyayo meydan û vat, serê rewşa cinîyan ê prosesê karantîna de munaqeşeyî dayê destpêkerdene. Aynure arde ziwan ke netîceyê munaqeşeyan de qerar dayê ke binê sîwanê meclîsê cinîyan ê HDKyî de masaya paştdayîşî û torranê paştdayîşî awan bikerê û vat: “Ma bi nê masa û torran paştdayîşê bi cinîyan dir amanc kenê. Ma do yewîneyê seke huqûq, psîkolojîk, weşîye û ekonomîye paştdayîş bidê. Do hîrê mintiqayê Stenbolî de xetêka hempar ê telefonan bêra awankerdene û waştişî bêrê girewtene. Nê ser o do çareserî bêrê vînayene û pêro muracatî do bibê rapor.”

	 

	‘Do her cayê Stenbolî ra bieşkê xo biresnê’

	 

	Aynure dewam de arde ziwan ke avûkatê ke komîsyonê huqûqî yê KCDyî de ca gênê do nê yewîneyan de ca bigîrê û vat: “Beno ke ma xo nêresnê heme çîyan. Beno ke seba her çî bi hewayêko rehet nêro çarserkerdene la qet nêbo ma do pîya bikewê mîyanê paştdayîşî. Serê hesabanê çapemenîye de ma do rojê ameyox de belî bikerê. Do hîrê herêmanê ma de xete bibo. Do cinî her ca ra bieşkê xo biresnê nê xetan.”