DFG: Hûmara rojnamegeranê tepişteyeyan resa 105  

2020-06-05 15:42:38


	 

	AMED - Komeleya Rojnamegeran a Dîcle Firatî neql kerd ke menga gulane de 2 rojnamegerî ameyî tepiştene û hûmara rojnamegeranê tepişteyan resaya 105î. Eşkerayî de mesajê "Heta ke hêrişê vera rojnamegeran bi pyenî bibo ma do vatişê rastîyan dewam bikerê.”

	 

	Komeleya Rojnamegeran a Dîcle Firatî (DFG) “Raporê Îhlalkerdişê Heqê Rojnamegeran ê Menga Gulane” bi eşkerayîye vila kerd. DFGyî dîyar kerd ke menga gulane de 6 rojnamegerî ameyî destbendkerdene û 2 zî ameyî tepiştene. DFGyî da zanayene ke menga gulane de vera 3 rojnamegeran êriş pêk hatiye û derbarê 4 rojnamegeran de lêpirsîn hatiye destpêkerdî û derheqê 9 rojnamegeran de zî dewa abîya. DFGyî va, menga gulane de 16 rojnamegerî ameyî muhakemekerdene û zîndanan de îşkence û muameleyo xirab 2 rojnamegeran rê ameyo kerdene. DFGyî neql kerd ke 3 rojnameyan rê cezaya îlan û reklamî ameya dayene û RTUKî cezaya vindertişê weşanî dayo 3 sazgehê medya.

	 

	‘Cuya rojnamegeranê tepişteyan tehluke de ya’

	  

	DFGyî dîyar kerd ke bi tepiştişê 2 rojnamegeran dir 5ê hezîrane ra dima hûmara rojnamegerê tepişteyanê Tirkîya resaya 105ine. DFGyî va, ê xerîbê nê kerdişan nîyê û her wareyî de rojnamegeran rê teda û zordarî dewam kerd û hukm zî serê medyaye de seke teda yeno xebitnayen. DFGyî da zanayene ke AKP-MHP wazeno ke modelê rojnamegerî goreyê xo virazno û seba şubeyê vîrûsê koronayî cuya rojnamegeranê tepişteyan xeter de yo.