Rêşta destê cinîyan de newe ra gane bena 

2020-06-06 14:34:30


	 

	 

	 

	Zeynep Durgut

	 

	COLEMÊRG - Dewa Aşûtî de cinî bi rêştayêka resnenê, destûr nêdanê ke kulturê înan vindî bibo.

	 

	Dewa Aşûtî yê girêdayê qezaya Çelî ya Colemêrgî bi serran o, cinî kulturê rêşta dewam kenê. Kurdistan de rêsnayîşê rişta, kulturêko kan o û kurdewar o. Cinî seba lazimîyê xo rêşta ra çîyan vîraznenê. Destpêkê hamnanî de berxik û mêşinî yenê birnayene û peşma înan yena tirakerdene û dima ra zî yenê şutiş. Dimayê ke mêşinî ameyî birnayene û peşma înan ameye şutene, bi hacetêko taybet ke ci ra vanê şane, peşmî yena cêrakerdene û bi rêşta yena rêsnayene. Dima ra bi rêşta rês yeno viraştene û seba xeylêk eşyeyan û çî bînan yeno xebitnayene. Cinîyê ke nê kulturî dewam kenê, dîyar kerdî ke her cinîyêk nê kulturî ra berpirsîyar a.

	 

	'No kar sebir û kede wazeno'

	 

	Dayîka bi nameyê Hamaîl Ecera ke bi serran o rêşta resena wina va: "No kar dayîk û pîrê ma ra mendo. Ma nika ra nê karî kenê. Rêso ke ma bi rêşta berardişê pûncan û swb viraznenê. No kar sebir û kede wazeno. Verê wexto ke ma şîne zozanan ma her wext rêşta zî bi xo dir berdêne. Eke rêşta ma xo dir ma nêzanayîne roj senîn derbaz beno. La nika çîyêk wina çin o û ma nika nêeşkenê vajê ke her cinîyêk wayîrê nê kulturî vejêna.

	 

	'Mana û girîngîyê rêşta zaf pîl o'

	 

	Hamaîlê dewam de wina va: "Tarîx de heta roja ma ewro, rêşta her wext seba ma bi mana bî. Her lazimîyêk xo ma bi rêşta viraştêne. Verê cu hîna baş bî. Heme cinî cayêk de kom bîne û rêşta pê dir rêstêne û deyîran vatêne. Girîngîyê rêşta zaf zêde bi. La nika ne mana û ne zî girîngîyê çîyêk nêmendo. Berardişê cinîyan seba şert û mercan tay sist bîyo. Rêşta sembola keda cinîyan a. Amancê ma oyo ke ma kulturê xo dewam bikerê."

	 

	'Ma kulturê xo ra berpirsyar ê'

	 

	Aysel Ecere zî cinîya ke rêşta rêsena ya û girîngîyê rêşta qalî kerde û va: "Ma serê sibayî wirzenê ra heta şan de xebityenê. Werdê tutan ra heta pakkerdişşê keyeyî ra ma cinî berpirsîyar ê. serê sibehê radibin û heta êvaran dixebitin. Gama ke ma yenê pesê xo ancenê, ma rêştaya xo zî xo dir anê. Ma hende ke kar kenê la wexto ke demê ma veng bimano, ma wazenê rêştaya xo zî bi resnê. Beno ke teknolojî aver şêro, la kulturê rêşta vindî nêbeno. Dewamkerdiş û berpirsîyarê nê kulturî destê ma cinîyan de yo. Ma hem wazenê nê kkulturî dewam bikerê û hem zî ma pê xo rê pûncan û çîyan viraznenê."