
Mersîn û Bedlîs de destbendkerdene 

2020-06-09 15:39:32


	&nbsp;

	MERSÎN/BEDLÎS - Mersîn de polîsan xebatkaranê HDP û Kargehê Hunerî yê Akdenîzî hedef kerdî û sereştişanê keyeyan de 4 kesî dest bend kerdî. Hetê bînî ra Bedlîs de operasyonê vera HDPyî de 5 kesî ameyî destbendkerdene.

	&nbsp;

	Çarçewa fermanê Serdozgerîya Komare ya Mersînî de polîsan sereştişan de îdarekarê HDPyî yê Mersînî Alî Bîlen û xebatkarê Kargehê Hunerî yê Akdenîzî Hebûne Yuksekdag, Dîlane Demîr û Cejna Saruhan dest bend kerdî

	.

	Hunermend Kadîr Çat zî hedefê polîsan de bi. La seba ke keye de nêbi nêame destbendkerdene. Sebebê destbendkerdişan nêno zanayene.

	&nbsp;

	Bedlîs de destbendkerdene

	&nbsp;

	Hetê bînî ra merkezê Bedlîs û qezayanê ci de sereştişê keyeyan de endamê merkezê partîye yê HDPyî avûkat Dîyar Orak Tetwan de, hemsereko verên ê partîye yê bajarî Orhan Bezîrganoglu Bedlîs de, Îdarekaranê verênan ê partîye ra Gunay Karabaş, endamo verên ê meclîsê Şaredarîye yê HDPyî &nbsp;Ferda Avkan Bedlîs de û Elîf Orman Ereze zî sereştişê keyeyê xo de ameyî destbendkerdene.&nbsp;

	&nbsp;