
Baxçeyê aye çimeyê debare ci yo 

2020-06-10 13:14:57


	&nbsp;

	WAN - Gulbahar Ayduza ke baxçeyê xo de şitlanê xo bi herre dir ard têhet, hem pê debara xo kena û hem zî seba keyeyê ke rewşa înan ekonomîye baş, paştdayîş dana înan.

	&nbsp;

	Gulbahar Ayduza (45) ke taxa Esenlerî ya Sixkê ya Artemîtî ya Wanî de ciwîyena, vera 32 serrî şitlê ke bixo weykena, baxçeyê xo de remnena. Gulbahare, baxçeyê xo de şitlê firingî, îsot û xîyaran ramnena. Sewbîna baxçeyê aye de 150 darê sayan û 15 zî ê gozan esto.

	&nbsp;

	‘Çimeyê debara mi baxçeyê min o'

	&nbsp;

	Gulbahare dîyar kena ke karêko zehmet o û vat, mengeyêka seranser yena baxçe û xebityena û vat: "Karêko wina kedêka pîl wazeno, ancax cinî eşkenê bikerê. Ma bi kedêka pîl nê vejenê werte. 32 serrî yo ez baxçeyê xo de sebze remnena. Mîyanê keyeyê ma de 10 kesî estê. Çimeyê debara ma baxçeyê ma yo. Eynî wextî de ma piştdayîş danê keyeyê ke rewşa înan baş nîya.

	&nbsp;

	'Ganî hêzê ekonomîye ê her cinî bibo'

	&nbsp;

	Gulbahare da zanayîş ke ganî her cinî alternatîfê xo yê ekonomîye awan bikerê û nê çî vat: "Ez xo hewcedarê camêrdan nêkena. Her cinî çi destê înan ra bêro ganî bikerê. Gama ke kar yeno vatene, wa teber nêro hişê merdimî. Ma bi ramitişê yew şitlêke eşkenê debara xo bikerê. Ma cinî estê û ma do her wext berardiş bikerê."

	&nbsp;