Seba kesê ke hetkarîya gumanbarê îstîsmarî kerd 60 serrî ceza ameye dayene 2020-07-26 14:22:38   AMED - Gêlê Amedî de gumanbar Dogan Aydino ke cinîyêke îstîsmar kerdib û embaz û dayîka gumanbarî yê ke hetkarî dabî rastê 60 serrî ceza ameyî.   Serra vîyarte de Gêlê yê Amedî de camêrdo bi nameyê Dogan Aydinî tecawizê cinîya bi nameyê R. kerd û amebi zanayene ke embazê ey Berat Çelîkî û dayîka ey hetkarî dayê gumanbar. Serrê gerrekerdişê R. û keyeyê ci her di camêrdî 10ê teşrîna verêne 2019 de hetê Dadgerîya Cezaya Sulhî ya Gêlêyî ra ameyî tepiştene. Serdozgerîya Komara ya Amedî derheqê Berat Çelîkî de sûcê ‘bi tehdîdê cebîr û caardişê xîleyê kesî azadî ra bêpar verdayîş’, “hetkarîya sûcê hêrişê cinsî’, derheqê Dogan Aydinî de zî sûcê ‘bi tehdîdê cebîr û caardişê xîleyê kesî azadî ra bêpar verdayîş’, ‘hêrîşê cinsî û zirar dayîşê malî’ û derheqê dayîka ey Havva Aydine de zî sûcê ‘hetkarîya sûcê hêrişê zayendî,’ bi tehdîdê cebîr û caardişê xîleyî kesî azadî ra bêpar verdayîş’ îdianame ame amadekerdene.   ‘Kes nêeşkeno Rye ma ra bihîro paşta ma saxlem a’   Îdianeme de ame dîyarkerdene ke mabêne R. û Dogan Aydinî de têkiliyek hîsgirî estbîya la Rye na embazîye peynî kerda. Dogan Aydino ke bi hetkarîya dayîka xo R. remnaya û rastê hêrişê cinsî ameya. Sewbîna îdianame de ame bicakerdene ke Havva Aydine bi lajê xo Doganî dir pêvînayîşê telefonî de vana, ‘Kes nêeşkeno R ma ra bigîro, paşta ma saxlem a.”   Îdianemeyî de dîyar kerdî ke Dogan Aydinî R. bi zor Erganî ra berdo Gêlê û uca hêrişê cinsî kerdo û telefonê Rye zî şiknayo û dima ra Rye bi hawayêk remneno.   ‘Yê ke ameyî kerdene ameyî înkarkerdene’   Îdianameyî de sewbîna ame vînayene ke Dogan Aydin, Havva Aydin û embazê ey Berat Çelîkî çîyê ke ameyê ciwîyayîş înkar kerdê. Sewbîna îdianameyî de ame vatene ke gumanbaran bi telefonê xo ney her wext bi telefonê merdimanê xo pîya pêvînayîş kerdê.   Dozgere semedê 3 kesî cîya cîya ceza waşt   Dozgere derheqê Berat Çelîkî de 19 serrî, Dogan Aydinî de 22 serrî û derheqê dayîka ey Havva Aydine de zî 19 serrî ceza waşt.   Îdianameyo ke ame amadekerdene zî hetê Yewin Dadgeha Cezaya Giran ya Amedî ra ame qebulkerdene.