‘Akerdişê mekteban do rayîrê tehlukeyî abikero!’ 2020-09-04 13:13:44   Medya Uren   AMED - Hemsereka Şubeyê 1yin ê Sendîkaya Egîtîm Senî Emîne Akşahe derheqê akerdişê mekteban de qisey kerde û vat: “Ma hemverê akerdişê mekteban nîyê, la hemverê bê tedbirî vejênê. Bi nê rengî akerdişê mekteban do rayîr verê tehlukeyê pîlan yê weşîye abikero.”   Dimayê ke 1ê hezîrane hukmatî prosesê "normalbîyayîşî" da zanayene, vîrûsa koronayî (Covîd-19) temamê Tirkîya û bi taybetî zî herême de vila bi. Dimayê ke tedbîrê bi hewce ameyî wedaritene, tena vrngdayîşê; pakitî rê baldar bê û mesafeyê xo bipawê ameyî kerdene. Pêwa îqazkerdişê sazgeh û dezgehê weşîye, hetê dewlete ra tedbîrî nêameyî girewtene û tabloyê xirab vejîyayî meydan. Nika zî cayê tewr bi rîsk mektebî yenê vînayene. Xeylê munaqeşeyî serê mekteban de yenê kerdene û semedê şert û mercê mekteban qîmê pawitişê wendekaran nêkeno. Hemsereka Şubeyê 1in ê Sendîkaya Egîtîm-Senî ya Amedî Emîne Akşahe derheqê abiyayîşê mekteban de û problemê bîyaye de ajansê ma rê qisey kerde.   ‘Perwerdeyêko adîlane nêbi’   Emîne destpêk de bale ante serê vilabîyayîşê vîrusî û va: “Menga adare de Tirkîya korona bî rojeva sereyîn û ciwîyayîş bi temamî vindert. Cayê girse bi taybetî zî cayê tewr bi guman bî û 13ê adare de perwerde ameyî vindarnayene û perwerdeyê dûr ame destpêkerdene. Semedo ke Tirkîya bingeyêko qayîm ê perwerde çin o, bi perwerdeyê dûrî dir xeylê problemî vejîyayî. Bi taybetî zî herêma ma de netîceyê serkeftî nêvejîyayî meydan.”   ‘Ganî asayîş sewîyeya tewr cor de bibo’   Emîne, wina dewam kerd: “No proses serkewte nêbo zî seba ma bi tecrubeyêk. Ganî no proseso newe de bi dîqat têbigeyrê. Ma seke sendîka hemverê akerdişê mekteban nîyê. La eke abê zî ganî asayîş sewîyeya tewr berz bêro girewtene. Pakitî, hûmara wendekaran ganî sinife de bi dîqat nêzdî bibê. Mekteban vîrus zaf leze vila beno. Na babete de ganî şar bêro îqazkerdene. Ganî ma bieşkê hem perwerdê û hem zî tedbîrê weşîye pîya dîqat bikerê.”   ‘166 mekteban de korona’   Emîne, da zanayîş ke xeylê testê mamoste û wendekaran pozîtîf vejîyayî û va: "Ma seke sendîka roja yewin ra heta roja ewro serê rewşa perwerdeyî de vindenê. Problemêk û rewşa averşîyayîşî kerd rapor û şarî dir pare kerd. Bi abîyayîşê mekteban dir zanayîşê kesê ke bi vîrus kewtê yenê. Nika 166 mekteban de vîrusê korona esto. Sewbîna mekteban de zî xeylê cayan vila bîyo.”   ‘Ma akerdişê mekteban rast nêvînenê’   Emîne tewr peyîn wina va: “Eke sewîyeya asayîşî nêro zêdekerdene û bi nê rengî bêro dewamkerdene krîzêko pîl ê weşîye Tirkîya de vejîyo werte. Ma sey sendîka taqîbkerdoxê prosesî yê û rewşa wendekaran bê. Her gama de ma do reyna şarî xeberdar bikerê û çi destê ma ra bêro ma do bikerê. Semedo ke bi qasî perwerdeyî weşîya merdiman zî ma rê girîng a. Hemverê kaosê pîlî ganî ma bikewê mîyanê hewldanan û qerarê hempar bigîrê.”