
Ciwanî kewenê mîyanê tevger: Yewin çare pawitişê cewherî yo 

2020-09-24 11:38:35


	&nbsp;

	Safiye Alagaş

	&nbsp;

	AMED - Endama Meclîsê Cinîyê Ciwanan ê HDPyî Elîf Înan kampanyaya, ‘Bikewe mînayê tevger’ yê Meclîsê Ciwanan ê HDPyî daya destpêkerdene, ercna û vat: “Pawitişê cewherî seba ma her çî yo. Hemverê polîtîkayê taciz û tecawuzî yewin çare pawitişê cewherî yo.”

	&nbsp;

	Meclîsê Ciwanan ê HDPyî çarçewaya, ‘Bernameyê Têkoşînê Demokratîke’ ê startê kampanyaya ‘Bikewe mîyanê tevger’ 22yê Temmuze de da. Meclîsê ciwanan bi kampanya dir, rojevê sey; tacîz, tecawuz, talanê ekolojîk, betalî û tecrîd ser o 1ê êlule de bernameyêk organîze kerdî. Heyetê Îdarekarîyê Meclîsê Ciwanan ê HDPyî 1ê êlule de eşkerayî da û qerarê prosesê kampanya 6 mengan derg kerd.

	&nbsp;

	‘Ma do her ware de bibê’&nbsp;

	&nbsp;

	Endama Meclîsê Cinîyê Ciwanan ê HDPyî Elîf Înan, dîyar kerd ke cinîyê ciwanî unîversîta, wareyê sîyasî û îstîhdamî ra yenê vetene û nêzdîbîyayîşê hemverê cinîyê ciwanan parçeyêk polîtîkayê şerê taybetî yo û vat: “Seba polîtîkayê şerê taybet, hedîseyê tacîz û tecawuzî zêde benê. Ma kampanya, ‘Bikewê mîyanê tevgerî dayî destpêkerdene.’ Ma cinîyê ciwanî her sewîyeya kampanya de ca bigîrê.”

	&nbsp;

	‘Hemverê polîtîkayê pelçiqnayîşî, pawitişê cewherî’

	&nbsp;

	Elîfe dîyar kerd ke kampanya di mengî yo dest pêkerda û vat: “Seba polîtîkayê serê ciwanan veng vejîyê, ma bernameyê cîya û perwerde bi ca ard. Hemverê polîtîkayê faşîst, derheqê pawitişê cewherî de ma munaqeşe kerd. Ma bi seyranan ca da perwerdî. Ma cinî yewbînan ra moral û hêz girewt. Ma soz danê ke ma do bêveng nêmanê. Hemverê polîtîkayê pelçiqnayîşî ma do pawitişê cewherî rêxistin bikerê. Ganî xebatê hişmendî bêrê kerdene. Hemverê polîtîkayê şerê taybet yê serê komelî de yenê kerdene de munaqeşe bêrê kerdene. Ganî sebebê ci bêrê dîyarkerdene û xebatê hişmendîyê cinî û ciwanan bêrê kerdene.”

	&nbsp;

	‘Ganî ciwanî nê polîtîkayê lêşinan vejê werte’

	&nbsp;

	Elîfe tewr peyîn qiseykerdişê xo de bale ante serê kampanya û wina vat, ‘bikewe mîyanê tevgerî’ yê hemverê polîtîkayê şerê taybetî yo û qiseykerdişê xo wina qedêna: “Ma do pawitişê xo aver berê. Ma yewbînan ra hêz girewt û no zî seba ma destpêk o. Seba ameyoxî ma do rêxistinbîyayîşê xo xurt bikerê.

	&nbsp;