'Seba polîtîkayê şaşan betalî zêde bî' 

2020-09-25 13:40:48


	 

	AMED - Hemsereka Şubeyê Hûmara 2yîn DÎSKî Hanîfe Kardaş, dayeyê TUÎKyî yê ameyê eşkerakerdene ercna û vat, polîtîkayê şaşî yê hukmatî betalî zêde bîya û destkewtişî yenê xespkerdene. Hanîfe, vengdayîşê seba hemverê nê polîtîkayan kerd.

	 

	Sazgehê Îstatîstîkê Tirkîya (TUÎK) hewteyê vîyarte de dayeyê betalîyê menga hezîrane eşkera kerd. Goreyê nê betalî sera 13.4ê, goreyê serra vîyarte de 0.4 zêde bîyo. Goreyê dayeyê ameyê eşkerakerdiş, dayey betalî mabêne emrê, 15-24’an de sera 1,3 puan zêde bîyo û vejîyayo 26.1ê. Dayeyê betalî mabêne emrê 15-64 de bi 0,4 puanî vejîya sera 13.7.

	 

	Hemsereka Şubeyê Hûmara 2yî Amedî ya Konfederasyona Sendîkayê Karkerê Şorişgêr (DÎSK) Hanîfe Kardaş derheqê babete de ercnayîş kerd.

	 

	Polîtîkayan betalî zêde kerd'

	 

	Hanîfe ard ziwan ke betalî verê estbî, bi pandemî dir zêde bi û vat: "Adare ra dima betalî vejîya sera 7-8ine. Betalî tena bi kesê endamê sendîkayê ma nîno ercnayene. Yê ke firin, lokanta, fabrîkayan xebityenê zî seba ma karker ê. Ê girîng pawitiş heq û keda karkeran o. Pandemî de xeylê kargeh ameyî padayene. Vanê pandemî peynî bîyo, la her ke şino zêde beno. Dimayê sektorê turîzmî peynî bi, vatî hûmare zêde bîya. La qet kêm nêbibi."

	 

	'Embazanê ma tehdîd kerdî'

	 

	Hanîfe tewr peyîn wina vat: "Îdarekarîyê herême heta nika paştdayîş nêdayê. Sendîkayê ke nêzdîyê hukmatîyê paştdayîş gênê. Hewl yeno dayene ke destkewtişîş bêrê xespkerdene. Karkerê endamê ma zî micadeleyê xo dewam kenê. Nika hezar û 700 endamê ma estê. Waştişê ma oyo ke seba embazê ma hezar lîra zam bêro serê meaşê înan. Xeylê embazê ma meaşê asgarî fêyde nêgînê. Micadeleyê ma her wext dewam bikero. Ma her wext endamanê xo rêxistin bikerê."