
Merdimê Vindîbîyayeyan aqûbetê Mehmet Înanî pers kerdî 

2020-11-21 16:06:08


	&nbsp;

	AMED - Merdimê Vindîbîyayeyan, çalakîya xo ya, “Wa vindîbîyayeyî bêrê vînayene û faîlî bêrê muhakemekerdene” serê hesabê xo yê medya de viraştî û aqûbetê Mehmet Înan pers kerd.&nbsp;

	&nbsp;

	Merdimê vindîbîyayeyan û Şubeyê Komeleya Heqê merdiman (ÎHD) yê Amedî, çalakîya xo ya, “Wa vindî bêrê vînayene û faîlî bêrê muhakemekerdene” ke her hewte viraznenê, hewteyê 615 de, seba vîrusê koronayî serê hesabê xo yê medya komelî yê ÎHDyî viraştî. Vîdeoyê ame parekerdişê ke aqûbetê Mehmet Înano 1994 de Sertî hetê kesê bi çekî bi darê zorî amebi remnayîş û 26 serrî yo zanayîş ci ra ame girewtene.

	&nbsp;

	Endamê Heyetê Îdarekarê Şubeyê Komeleya Heqê Merdiman (ÎHD) yê Amedî Hasan Yalçinî vîrardişê Mehmet Înan wend, dîyar kerd ke Mehmetî serra 1954 de ameyo dinya, pîyê 7 domanan bi û bi karkerî debarê keyeyê xo kerdine. Hasanî dîyar kerd ke serra 1994 de mîyanê di mengan de hetê hêzê asayîşî ra hêzê asayîşî ra ame destbendkerdene û dima ra veradayî. Hasanî bale ant serê diyîn ke ameyo destbendkerdene û 10 rojan dima 28ê Sibata 1994 wextê mîyanê sûka Sêrtî hetê kesê bi çekî ra bi zor kerdî wesayît û remnayene û va: “Pîyê Mehmet Înan, Alî Înan roja dimayê şino Serdozgerîya Komara ya Sêrtî Walîtî û Fermandarîyê Tûgayî persê aqûbetê lajê xo keno. Seba pîyê yeno vatane ke kesêk wina nêameyo destbendkerdene.”

	&nbsp;

	Hasan dîyar kerd ke dimayê vindîbîyayîşê Mehmet nêzdîyê 4-5 mengan dima, polîsî pîyê Mehmet Înanî, Alî Înan benê Mudurîyê Asayîşê yê Sêrtî, hîn fotpgrafan ramojnê, la kesê ke fotografê înan ramojnayî, Mehmet Înan nas nêkeno. Hasan ard ziwan ke pêwa heme hewldayîşê huqûqî yê keyan, bi tu hawayî zanayîşêk Mehmet Înan ra nîno girewtene.

	&nbsp;