
Nobeta edaletî roja 203ine de ya 

2021-09-27 15:25:03


	&nbsp;

	&nbsp;

	RIHA - Emîne û Ferît Şenyaşar ke roja 203ine de nobeta edaletî dewam kena, do semedê pankart û dowîzê ke polîsan desteser kerdê muracat bikerê.

	&nbsp;

	Qezaya Pirsûsî ya Rihayî de 14ê Hezîrana 2018ine de merdim û pawitoxê parlamenterê AKPyî hêrişê keyeyê Şenyaşarî kerdibi û mêrde û di lajê Emîne Şenyaşar qetil kerdibî. Emîne û lajê xo Ferît ke qirkerdiş ra bi birîndarî xelasbîyayîşî bêhuqîqî yo 9ê Adare ra verê Edliyeyê Rihayî dest bi Nobeta Edaletî kerdibî û nobeta înan roja 203ine de dewam kena. Emîne û Ferît semedo ke pankart û dowîzê înan hetê polîsan ra ameyê desteserkerdiş nobeta xo bê pankart û dowîzî dewam kenê.

	&nbsp;

	Emîne û Ferît semedo ke pankart û dowîzê xo yê polîsan desteser kerdî peyser bigîrê do muracatê Mudurîyetê Polîsan ê Rihayî bikerê.

	&nbsp;

	Keyeyî serê hesabê xo yê medyaya dîjîtalî de nê pare kerd: "Dayîkêke semedê sîstemê edaletî nêxebityeno 203 rojî yo verê berê edlîye de pabeyê edaletî ya. Tu kes nêeşkeno verê nê waştişê zelalî de vindero. Tena wazenê ke qanûnê bîyaye bi ca bêrê."

	&nbsp;