Cenazeya Halîse Dorudemîr ameye definkerdiş 

2023-03-11 13:03:45


	 

	 

	AMED - Cenazeya dayîka tepişteyê 30 serrî ceza ci rê ameya birnayîş Mahfûz Dorudemîrî, Halîse Dorudemîr ke konbajarê serê rayîrê Farqînî ya Amedî de manenê, gama ke waşt şêro kîşta bîne yê kuçeyî  wesayîtêk ke yeno vatiş wayîrê ci polîsêk sivîl o da piro, şan de Goristanê Yenîkoyî de ameye definkerdiş.  

	 

	Dayîka tepişteyê 30 serrî Mahfuz Dorudemîrî, Halîse Dorudemîre ke Amed de serê rayîrê Farqînî de konan de mendêne, vizêr şan de demo ke waştêne derbazê hetê bînî rayîrî biba, wesayîto ke yeno îdiakerdiş wesayîtêk sivîlî yê polîsan o, ci qelibya û cayê serebûtî de dinyaya xo bedelnaye. Qeza de kesêk ke hetkarîya Halîse kerdêne ke waştêne derbazê hetê bînî bikero û nameyê ci nêame zanayîş bi giranî birîndar bi. Cenazeya Halîse vizêr şan de seba otopsî wedarnayî Sazgehê Tibê Edlî (ATK)

	 

	Otopsî ra dima cenazeya Halîse vizêr şewe berdî Goristanê Yenîkoyê ya qezaya Rezanî (Baglar). Parlamentera Partîya Demokratîke ya Şaran (HDP) ya Amedî Remzîye Tosun, Hemserekê HDPyî yê Amedî Zeyyad Ceylan, rayberê MED TUHAD-FED û TUAY-DERî û xeylê kesê bînî tewrê merasîmê definkerdişê cenazeye bîyî. Wecîbeyê dînî ra dima cenazeya Halîse ameye definkerdiş.

	 

	Ame dîyarkerdiş ke keso ke hetkarîya Halîseye kerd û bi giranê birîndar bî beşê ciewnayîşê giranî de tedawîya ci dewam kena.

	 

	Ame zanayîş ke şoforê wesayîto ke yeno îdîakerdiş ke polîsêk sivîl o cayê serebûtî de ame destbendkerdiş û derheqê serebûtî de tehqîqat dîya destpêkerdiş.