
Semedê Mêrdîn û Şirnexî venga muracatî  

2023-12-23 14:19:31


	&nbsp;

	&nbsp;

	Oznûr Deger

	&nbsp;

	MÊRDÎN/ŞIRNEX - Verfeka Cinîyan a Komîsyonê Weçînayîşî ya Mêrdînî û hemşaredara Sîlopîye Adalet Fîdane derheqê muracatê namzedîye de venga cinîyan û ciwanan kerd û vat: “Ma hêzê xo bikerê yew û wayîrê prosesî bivejî.”&nbsp;

	&nbsp;

	Amadekarîyê weçînayîşê herêmî ke do 31ê Adara 2024î de pê bêro, dewam keno. Bi eşkerayîyêk ke Partîya Têduştî û Demokrasîyî yê Şaran (DEM Partî) da muracatê namzedîye yê seba hemşaredarîye heta 25ê Kanûne ame dergkerdiş.&nbsp;

	&nbsp;

	Verfeka Cinyan a Komîsyonê Weçînayîşî ya Mêrdînî û hemşaredara Sîlopîye Adalet Fîdane derheqê muracatanê namzedîye de venga cinîyan û ciwanan kerdî ke seba namzedîye muracat bikerê.&nbsp;

	&nbsp;

	Adalet Fîdane bale ant serê muhîmîya weçînayîşê herêmî û wina vat: “Weçînayîşê herêmî yeno manaya rayîrberîyê merkez, qeza, taxe û dewan. Ma na nuqta de perspektif rona vernîya xo. Kam wext ma şaredarîyê xo bigêrî ma do bin ê perspektîfî xebata xo dewam bikerê. Ma temsîlkarîya têduştî û hemserekatî esas gênê. Cinî rayîrberîyê herêmî de se ra 50 cayê xo gênê. Eynî wextî de cagirewtişê cinîyan ê mekanîzmayan de xeylê muhîm o.”&nbsp;

	&nbsp;

	‘Ma venga muracatan bi her kesî kenê’&nbsp;

	&nbsp;

	Adalete da zanayîş ke emre sîyasetî her ke şino pîl beno û ciwan kêm siyaset de ca gênê û wina dewam kerd: “Seba ke temsîlkarîya ciwan û cinîyan rayîrberîyê herêmî de zêde bibo ganî muracat bêrê kerdiş. Prosesê muracatî heta 25ê Kanûne ame dergkerdiş. Ganî cinî û ciwan bêrê DEM Partîye û muracat bikerê. Di wexto şaredarîyê ma yene xespkerdiş. 31ê Adare seba ma roja hesabpersayîşî ya.”

	&nbsp;

	‘Ganî şar namzedê xo dîyar bikero’&nbsp;

	&nbsp;

	Verfeka Cinîyan a Komîsyonê Weçînayîşî ya Mêrdînî Semîre Nergîze zî dîyar kerd ke di demê ke prosesêk muhîm ta derbaz benê û wina vat: “No di demo ke qeyûmî yenê tayînkerdiş. Dest ronenê serê îradeyê şarî. Problemê şarî zêde benê. Çimê şarî weçînayîşê 31ê Adare de yo. Şarê ma bi heyecan û hêvî yo. Şarê ma wayîrê şaredarî û îradeyê xo vejîyeno. Bi muracatan reaksîyonê xo yê vera rejîmê qeyûmî ano ziwan.”

	&nbsp;

	‘Ma wayîrê prosesî vejîyenê’&nbsp;

	&nbsp;

	Semîreye ard ziwan ke komelo ke tede cinî û ciwan sinife de newebîyayîş çin o û wina dewam kerd: “Ganî cinî û ciwan nê prosesî de rolê aktif kay bikerê û wayîrê îradeyê xo û prosesî bivejê. Ma hêzê xo bikerê yew û wayîrê prosesî bivejê. Ganî cinî seba vernamzedîye muracat bikerê. Ganî sîstemê camêrd û qeyûmî kok ra bêro wedaritiş.”

	&nbsp;