
Swîsreyî de pîrozbayîyê Roşanê Ziwanê Kurdkî

2024-05-16 15:13:44


	&nbsp;

	&nbsp;

	&nbsp;

	MERKEZÊ XEBERAN - Bajaranê Lozan, Cenevre û Gossaû yê Swîsreyî de Roşanê Ziwanê Kurdkî bi panel, semîner, dersê kurdkî û deyîranê kurdkî ame pîrozkerdiş.

	&nbsp;

	Bi wesîleya Roşanê Ziwanê Kurdkî bajaranê Lozan, Cenevre û Gossaû yê Swîsreyî de çalakî ameyî organîzekerdiş.

	&nbsp;

	Lozan

	&nbsp;

	Merkezê Komelê Kurdî yê Demokratîke bi wesîleya Roşanê Ziwanê Kurdkî panelêk ame organîzekerdiş. Dilber Hema moderatorî panelî rê kerd, Roşanê Ziwanê Kurdkî pîroz kerd û ard ziwan ke derbazbîyayîşê ziwanê kurdkî alfabeya Latînî ke Celadet Bedirxan serkêşî ci rê kerd, sewîyeya şorişî de yo.

	&nbsp;

	Panel de bi kirmanckî û kurmancî pêşkêşê ame kerdiş. Panel de sînevîzyonêk kilm derheqê cuya Celadet Alî Bedirxan de ame mojnayîş.

	&nbsp;

	Çalakî bi dersê kurdkî yê temsîlî bi peynî bî.

	&nbsp;

	Cenevre

	&nbsp;

	Bajarê Cenevreyî de zî pîrozbayî salona konferansî ya Mahatma Gandhî ame organîzekerdiş.

	&nbsp;

	Sîyasetmedar Osman Çelîk û Hemsereka Enstîtuya Kurdî ya Swîsreyî Fatma Şik vernîya pîrozbayî qisey kerd û qalê tarîxê ziwanê kurdkî kerd.

	&nbsp;

	Dimayê panelî dîwanê dengbêjan ame ronayîş. Pîrozbayî bi deyîranê Komîsyonê Kulturî dewam kerd.

	&nbsp;

	Gossaû

	&nbsp;

	Kurdistaniyê ke Kantona St. Gallenî zî bajarê Gossaûyî de bi eynî wesîla, bi beşdarîya nuştox Gernas Koçer semînerêk organîze kerdî.

	&nbsp;