‘Ma vengê xo biresnê serekî’

2024-10-04 10:21:02


	 

	  

	AMED - Cinîyan seba mîtîngê ke 13ê aşmî Amed de do bêro organîzekerdiş venga tewrbîyayîşê welatijan kerdî û hemverê tecrîd û problemê yenê ciwîyayîş wina yê: “Seba wayîrvejîyayîşê felsefeya ‘jin jiyan azadî’ û azadîya xo ganî ma wareyan de bêrê têhet û vengê xo pîya berz bikerê.”

	 

	Platformê Sazgehê Demokratîke çarçewaya kampanyaya ‘Abdullah Ocalanî rê azadî meseleya kurdî rê çareserîya demokratîke’ do 13ê teşrîna verêne de Amed de bi sloganê "Ma hemverê komployî xo ver bidê, seba azadîye Amed de yenê têhet" mîtîngo pîl organîze kenê. Xebatê seba mîtîngî dewam kenê. Mîtîng do 13ê teşrîna verêne Meydanê Îstasyonî yê Amedî saete 13.00ine de pê bêro.

	 

	Cinîyan venga pêro kesan kerd tewrê mîtîngî bibê. 

	 

	‘Ma hemverê tecrîdî de vengê xo berz bikerê’

	 

	Ayşe Bozane vat: "Şima seke zanê do 13ê teşrîna verêne de mîtîng pê bêro. Tecrîd seba şaran problem o. Hemverê serekê ma de komployê mîyanneteweyî pê ame. Ma nê komployî şermezar kenê. Ma nê zulmo ke şaran rê yeno kerdiş şermezar kenê. Ma hemverê tecrîdî de vengê xo berz bikerê."

	 

	‘Ma vengê xo biresnê serekî’

	 

	Hemşaredara Îkîkoy Celîle Yidiz zî wina vat: "Seba tecrîdê serekî ser o wurzo, ma 13ê teşrîna verêne de ganî ver bi Meydanê Îstasyonî şêrê. Heta tecrîdê serekî ser nêwurzo, ma do keyeyê xo de rehet nêbê. Ma venga pêro şaran kenê. Ma 13ê teşrîna verêne de meydan de bêrê têhet û vengê xo biresnê serekî."

	 

	Meclîsê Partîye (PM) ya Partîya Herêmê Demokratîke (DBP) Elîf Turane reaksîyonê xo wina ard ziwan: "Seba ma wayîrê destkewtişê xo, nasname, azadî û xozaya xo vejîyê, pêro şarê xo dawetê mîtîngê pîl kenê.”