Rojnamegere Pinar Gayipe ameye destbendkerdiş 

2024-10-14 15:23:31


	 

	 

	STENBOL - Edîtora ETHAyî Pinar Gayip ke semedê îfadeyî şî qereqol, semedê cipersayîşêk cîya ameye destbendkerdiş. 

	 

	Avûkat Sezgîn Keleş ke semedê sûcê “hêrişê cinsî” ceza ci rê amebî birnayîş, bi bahaneye ku edîtora ETHAyî Pinar Gayip derheqê hedîse de xebere viraşta, gerreyê Pinare kerd. Pinare ke semedê îfade şî qereqole, bi sebebê ke dosyayêke cîya de derheqê aye de qerarê tepiştişî est o, ameye destbendkerdiş. Derheqê dosya de agahî nêameye bidestkerdiş. Pinare, Qereqolê Şehît Sînan Acarî yê Kocamûstafapaşayî de yena tepiştiş. Yeno pawitiş ke Pinarê dimayê kontrolê weşîye sewqê edlîye bêro kerdiş.