
Rojnameger, sîyasetmedarî û sendîkawanî sewqê dozgerî kerdî

2024-11-29 14:14:17


	&nbsp;

	&nbsp;&nbsp;

	&nbsp;

	ANQARA/ ESKÎŞEHÎR - Sîyasetmedar, rojnameger û pawitişê heqê merdiman ê çarçewaya cipersayîşê merkezê înan Anqarî û Eskîşehîrî de ameyî destbendkerdiş, sewqê dozgerî kerdî û dest bi girewtişê îfadeyê înan kerdî.&nbsp;

	&nbsp;

	Çarçewaya cipersayîşê serdozgerîyê komare yê Anqara û Eskîşehîrî de polîsan 26ê teşrîna peyêne de Amed, Stenbol, Mêrdîn, Şirnex û Anqara de zî mîyan de 30 bajaran de eştî keyeyan ser. Sereştişî keyeyan de rojnamegerî, sîyasetmedarî, pawitişê heqê merdiman zî mîyan de bi pêroyî 231 kesî ameyî destbendkerdiş. Karûbarê emnîyetî û edlîyeyî yê destbendkerdeyan dewam kena.&nbsp;

	&nbsp;

	Temsîlkara Hemsereka Pêroyî ya DEM Partîye ya Komîsyonê Kede ra Berpirsyare Sevtap Akdag, Hemşaredarê Peyasî yê Amedî Cengîz Dundar, awankerdoxa ÎHDyî Nîmet Tanrikulu, Serekê Genel-Îşê Remzî Çalişkan, Serekê Şubeyê Sendîkayê Genel-Îşî yê Mêrsînî Kemal Goksoy, endamê ÇHDyî avûkat Şîar Rişvanoglû, Leyla Dogan, Erdal Guzel, Halef Caruş, Faruk Ayhan, Ecevît Odabaşi, Abdurrahman Aydin, Recep Şîmşek û Hamza Kaan Edlîyeyê Anqarayî de dest bi girewtişê îfadeyê înan kerdî.

	&nbsp;

	Îfadeyê rojnamegeran yeno girewtiş

	&nbsp;

	Rojnameger Mehmet Uçar, Erdogan Alayumat, Bîlal Seçkîn, Sûzan Demîr, Tûgçe Yilmaz, Havîn Derya û Mehmet Yaşar Abatan û Serap Guneş ke çarçewaya cipersayîşê merkezê ci Eskîşehîr o bajarê cîya de ameyî destbendkerdiş zî sewqê Edlîyeyê Eskîşehîrî ameyî kerdiş. Îfadeyê rojnamegeran dest pêkerd.

	&nbsp;

	&nbsp;

	&nbsp;