DFG û MKG nêrazîbîyayîş vera hêrişan mojnayî

2025-01-17 14:34:36


	 

	 

	  

	AMED- Komeleya Rojnamegeranê Cinîyan ê Mezopotamyaye û Komeleya Rojnamegeranê Dîcle Firatî seba operasyonê polîsan ê verba rojnamegeran beyanat dayî û vatî ke çew nêeşkeno çapemenîya azade bêveng biko.

	 

	Tirkîya ke her ke şono verba rojnamegeran de teda û zilmê îqtîdarê AKP û MHP’î zêdîyeno. Demo nêzdî de rojnameger Nazim Daştan û Cîhan Bîlgîne ameyî qetilkerdiş. Hewna ewro rojnamegeran rê polîsan operasyon kerd û 4 rojnamegerî ameyî destbendkerdiş.

	 

	Komeleya Rojnamegeranê Cinîyan ê Mezopotamyaye û Komeleya Rojnamegeranê Dîcle Firatî bi hempar seba operasyonê polîsan ê verba rojnamegeran beyanat dayî.

	 

	Beyanat de wina ame vatiş: “Ewro hewna rojnamegeran destbend kerdî, Reyhan Hacioglu Wan de, Ahmet Guneş, Necla Demîr, Welat Ekîn û Rahîme Karvar zî Stenbol de ameyî destbendkerdiş. Rojnemegeran ra demê destbendkerdişî polîsan rojnamegeran tehdîd kerdê û kelûpelê dîjîtalî ra zî dest ser ronayî. Hewna polîsan eşt Produksîyanê Guncel û Marti  ser o û bi saetan gêrayî.

	 

	Demê hêrişê Tirkîya yê Awbendê Tişrînî de 4 rojnamegerî birîndar bîyî. Hewna 19ê Kanûne de rojnameger Nazim Daştan û Cîhan Bîlgîne ameyî qetilkerdiş. Ma veng danê îqtîdarî ke ma qewetê xo huyayîşê Cîhane û Nazimî ra gênê, heqîqatê Apê Musayî ra û bawerîya xo zî Gurbetellîye ra gênê. Çew nêeşkeno Çapemenîya Azade bêveng biko.”