Rêxistinê cinîyan semedê Werîşe û Pexşane veng da

2025-02-11 14:51:10


	 

	             

	 

	MERKEZÊ XEBERAN- Zêdeyêrî 30 rêxistinê cinîyan bi eşkerayîyêke venga vindarnayîşê cezaya dardekerdişî ya semedê Pexşan Ezîzî û Werîşe Mûradî ameya dayîş, kerdî û vatî; “Tena serê waştişê rejîmê Îranî ameyê cezakerdiş, ganî demûk lezkî ceza bêro wedaritiş.”

	 

	Nerazîbîyayîşê hemverê cezaya dardekerdişî ya semedê cinîyanê kurdan Pexşan Ezîzî û Werîşe Mûradî, roj bi roje zêde benê. Na çarçewa de zêdeyêrî 30 rêxistinê heqê cinîyan yê herêmê Rojhelatê Mîyanên û Afrîqayê Vakur, eşkerayîyêke vila kerdî.

	 

	Eşkerayîye de venga sazgehê dadgeha Îranî ame kerdiş ke cezaya dardekerdişî ya Pexşan Ezîzî û Werîşe Mûradî û pêro tepişteyê bînî yê sîyasî vindarnê.

	 

	Eynî eşkerayîye de ame vatiş: “Ganî rêze prosesê sîyasî û dadgehkerdişê bi edalet bêro kerdiş, semedo ke cezaya dardekerdişî, cezayêke merdimayî nîya û binpaykerdişêk eşkera yê heqê merdiman a. Ganî cezaya dardekerdişî sîstemê yasayî yê Îranî de bêro wedaritiş. Pexşan Ezîzî û Werîşe Mûradî tu sucêk nêkerdê, tena bi waştişê rejîmê Îranî ceza înan rê ameya birnayîş.”