
‘Birêz Ocalan game eşt dore îqtîdarî ya’ 

2025-03-12 13:58:27


	&nbsp;

	&nbsp;

	WAN - Dayîkê Aştîye ke beşdarê "Kombîyayîşê Şarî yê semedê Aştî û Komelê Demokratîke" bîyî vatî, "Herre tutanê ma rê mird bî” û venga hukmatî kerdî ke semedê vengdayîşê Rayberê Şarê Kurdî gaman bierzo.&nbsp;

	&nbsp;

	Rayberê Şarê Kurdî Abdullah Ocalanî 27ê Sibate de heyetê Îmraliyî dir pêvînayîşê xo yê hîrêne kerd û "Venga Aştî û Komelê Demokratîk" kerdibî. Vengdayîşê Abdullah Ocalanî Rojhelatê Mîyanên û pêro dinya de bi taybetî Kurdistan û Tirkîya de tesîrêk pîl kerd. Pêwa ke tesîrê vengdayîşî dewam keno, Partîya Têduştî û Demokrasî (DEM Partî) bi organîzekerdişê "Kombîyayîşê Şarî yê semedê Aştî û Komelê Demokratîke" ke mesajê Abdullah Ocalanî biresnê komelî dest bi xebatan kerd. &nbsp;

	&nbsp;

	Dayîkê Aştîye yê ke beşdarê "Kombîyayîşê Şarî yê &nbsp;semedê Aştî û Komela Demokratîk" bîyî mîkrofonê ma rê qisey kerdî.

	&nbsp;

	'Birêz Ocalan semedê aştîye hewl da'

	&nbsp;

	Basîde Elmas, dîyar kerd ke Rayberê Şarê Kurdî Abdullah Ocalan semedê aştîye gamêke eşt o û dîyar kerd ke dewlete nê waştişê aştîye qebûl nêkena û vat, "Pêwa ke Devlet Bahçelî verê bi hawayêk xurt vatêne o aştî wazeno, nika zî ancî şer wazeno. Birêz Abdullah Ocalanî her tim semedê aştîye têkoşîn keno. Ma paweyê gamê ke birêz Abdullah Ocalan bierzo yê. Tirk çiqasî vajê ma şima dir aştî nêkenê zî ma do heta dilopê gonîya xo ya peynî xo ver bidê. Ganî kes nêvajo ma aştîye nêwazenê. Biwazê zî nêwazî do aştî pê bêro."

	&nbsp;

	Semedê aştî wa her kes destê xo bido serê wicdanê xo

	&nbsp;

	Bese Aydogan zî wina vat: "Eke dewlete reyke bîn heqaret bikero û nêheqî ma rê bikero û vajo, 'Ez o qereqolê xo awan bikerî' ma qebûl nêkenê. Ma dayîkê zerrîdej ê. Ma aştî û têduştî wazenê. Ma nêwazenê êdî zerrîya dayîkan bidejo. Ganî êdî Serekkomar gamêke bierzo. Ganî hemverê kurdan nêheqî nêkero. Ganî destê xo bido wijdanê xo ser. Semedê aştî ganî her kes destê xo bido wijdanê xo ser."

	&nbsp;

	'Ganî dewlete gaman bierzo'

	&nbsp;

	Keve Işik, dîyar kerd ke birêz Ocalanî venga aştî kerdo û wina vat, “Aştî heqêq muhîm a. Feydeyê aye est o, zirarê aye çin o. Birêz Ocalan vengdayîşêk winasî kerd, êdî ganî dewlete zî gaman bierza. Ganî bala xo bido nê şarî la ê hema zî dişminîyê kurdan kenê. Kurdî tu wext teslîm nêbenê. Ma heqaretê ke ma rê yenê qebûl nêkenê. Vanê 'çekan vera bidê', qerarê adirbestî ameyo dayîş û ganî hemverê nê qerarî de gamêke bierzê. Ganî semedê kurdan zî çîyêk bêro kerdiş."

	&nbsp;

	'Herre êdî pirr a tutanê ma ra mird bîya’

	&nbsp;

	Keve Işik zî dîyar kerd şer zirar dano û vat, “Tena semedê kurdan nê, semedê pêro miletan û pêro dewletan zirarêl pîl o. La aştî semedê her kesî şansêk a. Semedo ke heqê ganeyan ci da est a. Wa merdimî bi rûmet û azad biciwîyê. Nê weşêr çi est o? Kiştişî rê êdî bes o. Êdî herre tutanê ma ra mird bîya. Ma dayîk ê û zerrîya ma veşana. No vengdayîş semedê ma hemîne yo. Ma destûr nêdê xira bibo"

	&nbsp;