‘Xirakerdişê goristanan bêexlaqîyê tewr pîl o’

2025-04-03 10:06:25


	 

	Mîdye Miqted

	 

	HELEB - Cinîyê Helebî yê ke reaksîyon vera xirakerdişê goristanê pakrewanan dayî wina vatî: "Xirakerdişê goristanan bêexlaqîyê tewr pîlî yo. Ma do her tim taqîbkerdoxê bêmerganê xo bê.”

	 

	Dewleta tirkan û komê girêdayeyê aye badê ke Minbic kerdî binê kontrolê xo, xeylêk kesî ameyî kiştiş, remnayîş û hêriş erjê welatijan ame kerdiş. Tewr peyîn zî hêriş berdî serê goristanê pakrewanan ê Minbicî. Meclîsê Keyeyê Şehîdan ê Helebî, Meclîsê Keyeyê Şehîdan ê Kantonê Firatî û xeylêk kesan nêrazîbîyayîşê xo hemverê xirakerdişê goristananê pakrewanan mojnayî. 

	 

	'Efrîn û Şehba de no çî ame kerdiş'

	 

	Îdarekara Meclîsê Keyeyê Şehîdan ê bajarê Helebî Remziya Salih nê kerdişan şermezar kerd û wina va: "Serê sibayê roşanê Remezanî de pêro keyeyê ma yê pakrewanan verê xo danê goristananê pakrewananê xo û dejê xo tutanê xo dir pare kenê. La sibayê yewin roşanê Remezanî de bi hedîseyêke dej ancî keyeyan dir newe ra virazîya. Çeteyê dewleta tirkan, pêro goristanê pakrewanan xira kerdibî, labelê no reya ewilî nîyo ke goristanî yenê xirakerdiş. Bajarê Efrîn, Şehba de zî goristanê pakrewanan ame xirakerdiş. Esteyê pakrewanan Efrîn de binê herre ra ameyî vetiş.”

	 

	'Xirakerdişê goristanan bêexlaqîyê tewr pîl o'

	 

	Remiziya Salih da zanayîş ke ê nê hêrişî tu wext qebûl nêkenê û wina va: "Nê çeteyî hov ê û kerdişê ke kenê teberê rêzê merdimayî de yê. Rijnayîşê goristanan bêexlaqîyo tewr pîl o. Bi nê kerdişan bi destê xo verdêne, însanîyet înan ra bêpar bibo. Qey do heta key, nê kerdişî dewam bikerê? Qey heta key na dewlete hemverê nê kerdişê hovî de bêvengîya xo de biisrar ba?”

	 

	'Ganî îqtîdarê Şamî nê kerdişan vindarno’

	 

	Eynî wextî de Endama Meclîsê Keyeyê Şehîdan Nisrîn Cimo zî va, ganî îqtîdarê Şamî nê kerdişan vindarno û wina dewam kerd: "Goristanê ke ameyê xirakerdiş, yê tutanê ma yê. Ma nê kerdişan tesdîq nêkenê, nê kerdişî Efrîn de ameyî kerdiş û Şehba û Minbic de ewro yenê reynakerdiş. Ewro ganî nê babetan ser o bêro vindarnayîş û hesab înan ra bêro perskerdiş. Ganî îqtîdarê Şamî nê kerdişan ser o vindero.”