
Dosyaya dewaya 8 rojnamegeran amî cîyakerdiş 

2025-04-18 15:23:05


	&nbsp;

	&nbsp;

	
		STENBOL - Roniştişê ewilî yê çalakîker û rojnamegerê ke semedê çalakîyê Saraçhaneyî yenê muhakemekerdiş, ame organîzekerdiş. Serê waştişê avûkatan, dosyaya 8 rojnamegeran dosya ra amî cîyakerdiş.
	
		&nbsp;


	Rojnamegere Zeynep Kuray, Hayrî Tunç, Bulent Kiliç, Gokhan Kam, Yasîn Akgul, Alî Onur Tosun û Kurtuluş Ari, semedê taqîbkerdişê çalakîyê protestoyî yê hemverê operasyonê Şaredarîya Bajarê Pîlî ya Stenbolî, bi îdiayê “muxalefetê hemverê qanûnê kombîyayîş û protestoyan” amebî destbendkerdiş û tepiştiş. Badê îtîrazê avûkatan, Rojnamegerî 27ê adare de ameyî veradayîş. Çarçewaya eynî cipersayîşî de, derheqê rojnameger Emre Orman de zî dewa amî akerdiş.

	&nbsp;

	Roniştişê ewilî yê 8 ci ra rojnameger bi pêroyî 99 kesan, 62yîn Dadgeha Cezaya Pêroyî ya Edliyeyê Stenbolî dest pêkerd. Semedo ke hûmare zêde ya, kesê ke yenê muhakemekerdiş, berdî eywana 27ine Dadgeha Cezaya Giran ya Stenbolî.

	&nbsp;

	Pêwa endamê Komeleya Rojnamegeranê Cinîyan ê Mezopotamyaye (MKG) û Komeleya Rojnamegeran ê Dîcle Firatî (DFG), sewbîna Serekê Pêroyî yê DÎSK Basin-Îşî Turgut Dedeoglû û îdarekarê sendîkayî zî roniştiş taqîb kerdî.

	&nbsp;

	Rojnameger û kesê bînî yenê muhakemekerdiş, roniştişî de hazir bîyî. Roniştiş, bi tespîtkerdişê nasnameyan dest pêkerd.

	&nbsp;

	Badê pawitişî, dadgehe qerar da û dosyayê 8 rojnameger û 4 avûkatan dosya cîya kerd. Roja roniştişî dewa rojnamegeran nêame diyarkerdiş.

	&nbsp;

	&nbsp;

	&nbsp;