
Keyeyê Abdullah Ocalanî semedê pêvînayîşî muracat kerd 

2025-04-30 14:09:56


	&nbsp;

	&nbsp;

	STENBOL - Keyeyanê Rayberê Şarê Kurdî Abdullah Ocalan û yê heme hîrê girewteyanê bînan seba ke înan reyde pêvînayîş bikerê, muracatê Serdozgerîya Komare ya Bûrsayî û Mudirîyetê Hepisxaneyê Îmraliyî kerd.

	&nbsp;

	Rayberê Şarê Kurdî Abdullah Ocalan 15ê sibata 1999î ra Hepisxaneyê Girawa Îmraliyî de şertanê xeylê giran û binê tecrîdî de yeno girewtene. Birayê Abdullah Ocalan Mehmet Ocalan û wasîyê ey Mazlûm Dînç bi waştişê pêvînayîşî muracatê Serdozagerîya Komare ya Bûrsayî û Mudirîyetê Hepisxaneyê Îmraliyî kerd.

	&nbsp;

	Reyna Emîne Konar waya Omer Hayrî Konar, Polat Yildirim birayê Hamîlî Yildirim û Melîhe Çetîn waya Veysî Aktaş zî bi waştişê vînayîşî muracatê dozgerî û mudirîyetê hepisxaneyî kerd.

	&nbsp;

	Keyeyê Abdullah Ocalanî pêvînayîşê rî bi rî yê tewr peyîn 3yê adara 2020ine de û pêvînayîşê telefonî ser zî 25ê adara 2021ine de kerdibî. Badê 4 serran, birazayê Abdullah Ocalanî, Omer Ocalan 23yê teşrîna verêne 2024ine de pêvînayîşê rî bi rî kerd. Pêvînayîş de Abdullah Ocalanî dîyar kerd ke tecrîd hema zî dewam keno.

	&nbsp;

	Badê nê pêvînayîşî, 31ê adara 2025ine de reya diyîn pêvînayîşê keyeyî ame kerdiş. Pêvînayîş, bi wesîleya Roşanê Remezanî ame kerdiş. Birayê Abdullah Ocalanî, Mehmet Ocalan û birazayê ey Omer Ocalan şîyî pêvînayîş. Eynî wextî de birayê Omer Hayrî Konar, Alî Konar, birayê Hamîlî Yildirim, Polat Yildirim û waya Veysî Aktaş, Sabîha Aslan zî pêvînayîş kerd.

	&nbsp;