
Ambargoyê Mexmûrî bi rayîrşîyayîşêk girseyî ame şermezarkerdiş 

2025-04-30 14:53:34


	&nbsp;

	&nbsp;

	MERKEZÊ XEBERAN - Ambargo û zextê Iraqî yê Wargeha Şehîd Rustem Cûdî yê Mexmûrî ser o, bi rayîrşîyayîşêk girseyî ame şermezarkerdiş.

	&nbsp;

	Bi seyan şarê Wargehê Multecîyan ê Mexmûrî, hemverê zext û ambargoyê Iraqî yê wargehî ser o, rayîrşîyayîşêk girseyî organîze kerd. Şarê Mexmûrî nika verê bendê kontrolî yê hêzê Iraqî de vindertê.

	&nbsp;

	No zêdeyê di serran o nasnameyê multecîyê mexmûrijan nîno newekerdiş, semedê nê zî xeylêk reyan, şîyîş û ameyîşî de problem ciwîyenê. Eynî wextî de 10 nîsane ra nuqteyê kontrolî yê dekewtişê wargehî ke hetê hêzê leşkerî yê Iraqî ra yenê kontrolkerdiş, nêverdenê kel û pelê înşaatî bikewê wargeh. Her ke şino zext û ambargoyê wargehî ser o yeno kerdiş.

	&nbsp;

	Ewro nê ser de roniştoxê wargehê multecîyan ê Mexmûrî, hemverê zext û ambargoyê wargehî ser, vejîyayê wareyan. Bi seyan roniştoxê Mexmûrî verê Sazgehê Keyeyê Şehîdan dest bi rayîrşîyayîşî kerdî.

	&nbsp;

	Goreyê agahîyan nika hewl yeno dayîş, heyetêk pêvînayîş bikero. Sewbîna yeno pawitişêk ke uca eşkerayîyêke bêro dayîş.

	&nbsp;

	&nbsp;

	&nbsp;