
Bi hezaran cinî semedê azadîya Abdullah Ocalanî rayîr ra şî 

2025-05-03 14:27:15


	&nbsp;

	&nbsp;

	MERKEZÊ XEBERAN - Hesekê de bi hezaran cinîyê ke bi waştişê azadîya fîzîkî ya Rayberê Şarê Kurdî Abdullah Ocalanî kom bî û mesajê: “Bê azadîya Rayber Apo, azadî û aramî pê nîna” dayî.

	&nbsp;

	Bi serkêşîya rêxistina Kongra Starî ya bajarê Hesekî, bi hezaran cinîyê Hesekî, Şedadî, Dirbêsiyî, Til Temir, Til Birak, Hol, Zirgan û kampê Serêkanîye û Waşûkanî semedê azadîya fîzîkî ya Rayberê Şarê Kurdî rayîrşîyayîşêk girseyî organîze kerdî. Beşdaran fotografê Abdullah Ocalanî û alê Kongra Starî wedarnayî.

	&nbsp;

	Rayîrşîyayîş cadeyê Marşo ya bajarî de dest pêkerd. Badê ke raywanî resayî Meydanê Azadîye deqeyêk rêze girewtî. Badê cû zî endama Kongra Starî ya bajarê Hesekî Welîde Botî qisey kerd û wina va: "Ma silaman Rayber Apo rê şirawenê. 26 serrî yo Îmrali de xoverdayîşêk tarîxî est o. Destkewtişê ke cinîyan ewro bi dest kerdê bi xêrê Rayber Apo yê. Ma do zî wayîrê nê destkewtişan vejîyê û heta Rayberê ma bi fîzîkî azad nêbo, ma fek têkoşînê xo ra vera nêdanê.”

	&nbsp;

	Rayîrşîyayîş bi berzkerdişê sloganan peynî bî.

	&nbsp;

	&nbsp;

	&nbsp;