Roniştişê dewaya hîrê rojnamegeran ame taloqkerdiş

2025-05-06 13:41:58


	 

	 

	STENBOL – Semedê dîyarkerdiş çarenûsê dosyayanê akerdeyan, muhakemekerdişê rojnamegeran ame taloqkerdiş.

	 

	Hîrên roniştişê dewaya ke hemverê mûxabîrê Ajansê Mezopotamyaye (MA) Esra Solin Dal, Mehmet Aslan û rojnameger Erdogan Alayumat bi tohmetê "endamîya rêxistine" ame akerdiş, 25ine Dadgeha Cezaya Giran ya Çaglayanê Stenbolî de ame vînayîş.

	 

	Avûkatanê rojnamegeranê versûcan Hazal Sumeli û Şukru Alpsoy beşdarê roniştişî bîyî. Heyetê dadgehe qerar da ke çarenûsê dosyayê ser o cipersayîşê akerdî yê derheqê rojnameger Mehmet Aslan û Erdogan Alayumat de biperso.

	 

	Dewa heta 11ê êlule amî taloqkerdiş.