
Ûrmîye de cinîyêke ameye qetilkerdiş 

2025-06-30 14:22:06


	&nbsp;

	&nbsp;

	MERKEZÊ XEBERAN - Ûrmîye de cinîyêke sporwane hetê mêrdeyê xo ra amî qetilkerdiş.

	&nbsp;

	Goreyê medyaya Îranî, cinîyêke sporwane bi nameyê Solmaz Ebasî (24) bajarê Ûrmiye yê Rojhelatê Kurdistanî ra ya, ofîsa avûkatan ya bajarî de hetê mêrdeyê xo ra ameya qetilkerdiş.

	&nbsp;

	Ame vatiş ke mêrdeyê Solmaze bi kardî hêrişê aye kerdo û bi giranî birîndar bîya. Dimayê demêk kilm semedê giranîya birînê xo, dinyaya xo bedelnaye.

	&nbsp;

	Derheqê sebebê hedîse de tu agahî nêamî vilakerdiş û yeno vatiş ke cigêrayîş ameyo desptêkerdiş.

	&nbsp;

	Erjê vatişî yo aşma gulana emserî de 10 cinî Rojhelatê Kurdistanî de ameyî qetilkerdiş û 9 cinî zî mecbûrî peynîya cuya xo ardê.

	&nbsp;

	Serra vîyarte zî Rojhelatê Kurdistanî û Îran de 158 cinî amebî qetilkerdiş.

	&nbsp;

	&nbsp;