Nêweşxane de tecawizî tute kerdî  

2025-07-02 15:50:12


	 

	ERZIROM - Tuta astengdara zihnî ya ke şîbî Nêweşxaneyê Dewlete yê Qereçobanî, raştê hêrişê cinsî yê doktoro nobedar Îlyas Yilmazî amî. Verfeka HDK’yî Meral Daniş Beştaş hemverê hêrişî venga têkoşînê hempar kerd.

	 

	Qezaya Qereçobanî ya Erziromî de tuta 17 serrî ya astengdara zîhnî ke 28ê hezîrane de semedê dejê qirike şî Nêweşxaneyê Dewlete yê Qereçobanî raştê hêrişê cinsî yê doktorê nobedar amî. 

	 

	Ame dîyarkerdiş ke doktor Îlyas Yildirim vernê de odayêke nêweşxane de tecawizê S.K. kerdo, dima ra zî bi bahaneyê ke do nêweşxane bêro padayîş, tute  girewta berda keyeyê xo û uca de zî tecawizê aye kerdo. Dimayê ke S.K. hedîse bi dayîka xo pare kerda, keye Mudûrîyê Emniyetî yê Qereçobanî gêra û gerreyê doktor Yilmazî kerd. 

	 

	Verfeka Kongreya Demokratîke ya Şaran (HDK) û parlamentera Partiya Têduştî û Demokrasî (DEM Partî) Meral Daniş Beştaşe diyar kerd ke dimayê gerreyî, Îlyas Yilmaz destbend bîyo û va: “La şikê hukmî yê bêhetî û adilane est o. Ez venga pêro cinî û rêxistinê cinîyan kena ke bibê vengê S.K. û pîya têkoşîn bikerê.”