Meclîsê Cinîyan ê Şaredarîya Sêrtî cinîyan dir kom bî 2025-08-12 15:02:09   SÊRT - Meclîsê Cinîyan ê Şaredarîya Sêrtî cinîyanê Taxa Bariş dir kom bî. Hemşaredare Sofya Alagaş ke vera aye qeyûm amebî tayînkerdiş, uca de qisey kerd û mesajêk da ke ganî cinî bi hawayêko çalak beşdarê prosesê aştîye bibê.   Hemşaredare Sofya Alagaş ke vera ci qeymeqam amebi wezîfedarkerdiş, Taxa Barişî ya Sêrtî de cinîyan dir kom bi. Hemşaredare Sofya Alagaş ke qiseykerdişê xo de muhîmîyê Prosesê Aştî û Komelê Demokratîkî dîyar kerd û va ke ganî cinî bi hawayêko çalak beşdarê prosesê aştîye bibê ke destkewtişê xo bipawê û hîra bikerê.   Ganî Abdullah Ocalan azad bibo   Dimayê Sofia Alagaş, cinîyan qisey kerd û qetî kerdî ke ê bawerîya xo Rayberê Şarê Kurdî Abdullah Ocalanî û destekê xo semedê prosesê aştîye anê ziwan. Înan qetî kerd ke semedê çareserîyêk rastîn ganî Abdullah Ocalan azad bo.   Cinîyan dîyar kerd ke qeyûm taxe bêawe verda yo, darê parkî wuşk bîyê û semedê nêbîyayîşê dermanê kêzikan ê rastê xeylêk mêsan yenê. Înan dîyar kerd ke ê qayûm nêwazenê û girîngîyê agêrayîşê şaredarî wayîranê ci rê qetî kerdî.