Tepişte Hîvda Çelebî bi aşman o nîna dermankerdiş 2025-08-13 09:48:08   AGIRÎ- Dayîka tepişte Hîvda Çelebî ya ke Zîndanê Cinîyan ê Erzînganî de manena û bi qerarê Heyetê Îdarî û Taqîbkerdişê Îdarî tahlîyeyê aye 14 rey ame taloqkerdiş, Ayşe Çelebî qisey kerd û dîyar kerd ke na rewşe hetê ekonomî manewî de tesîr înan ser o kena û wina va: “Cezaya kênaya mi semedê vana ‘ez kurd a’ bi hawayêko keyfî yena dergkerdiş. Zîndanê cayê zulmî yê. Wa berê zîndanî bêrê akerdiş. Eke aştî bibo ganî berî bêrê akerdiş.”   Tepişte Hîvda Çelebî ke Tîpê Myê Bayburtî ra surgunê zîndanê Cinîyan ê Erzînganî ameya kerdiş.  Tahlîyeyê aye bi qerarê heyetî 14 rey ame dergkerdiş.   Dayîka Hîvda Çelebî, Ayşe Çelebî derheqê babete de ajansê ma rê qisey kerd.   ‘Kurdbîyayîş sûc o?’   Ayşe Çelebî dîyar kerd ke kênaya aye Hîvda Çelebî 7 serrî û nîme tepişte ya û wina va: “Wa tepişteyê sîyasî bêrê veradayîş. Ez nika vajî ‘ez kurd a’ ez sûcdar a? Kênaya mi zî vana ez kurd a. Zîndanî cayê zulmî yê. Wa berê zîndanî bêrê akerdiş. Eke ma vanê aştî ganî berî bêrê akerdiş. Ganî pêro tepişteyî bêrê veradayîş.”   ‘Her tim ceza derg kenê’   Ayşe Çelebî dîyar kerd ke kênaya aye demêk derg o tepişte ya û va: “Cezaya kênaya mi 7 serrî û 8 aşmî bî. La her rey tahlîyeyê aye yena astengkerdiş. Hîvda dimayê ke mêrdeyê waye aye merd, semedê hetkarîya waya xo şî Stenbol û uca amî tepiştiş. Hîvda hemsereka DEM Partî ya Bazidî bî.”   ‘Durbîyayîşê zîndanî keyeyan dano zor’   Ayşe Çelebî bale ant serê zor û zehmetîyan û va: “Hîvda nika zîndanê Erzînganî de ya. Dimayê roşanê Qurbanî kêna û veyva mi şî. Ez 4 aşmî verê şîya. Qalê zextan nêkena la bellî yo ke zext est ê. Dûrbîyayîşê zîndanî ma dano zorî. Îmkanê ma bibayîne ma do her aşme bişîne. La ma hîrê aşman ra hewke şinê. Keyeyê ke Amed, Wan ra ra yenê est ê. Ma pêro têduşt ê.”   Tahlîye 14 aşman taloq kerdî   Ayşe Çelebî tewr peyîn wina va: “Ma ceza kenê. Ma zimistanî şî Bayburt û ma tehlukeyê qeza derbaz kerf. Na ceza nîya çi ya? Ma hetê ekonomî û manewî de ceza kenê. Wa pêro tepişteyê siyasî vera bidê. Reyke 6 aşmî û reyke zî 8 aşmî ceza derg kerdî. No neheqî yo. Wa pêro tepişteyan vera bidê.”