Semedê rayîrşîyayîşê Amedî vengdayîş: Bêrê ma bi hawayo tewr xurt beşdar bibê!

2025-09-16 11:39:41


	 

	 

	AMED - Vernîya rayîrşîyayîşo ke do 17ê êlule de semedê waştişê naskerdişê "heqê hêvîye" semedê Rayberê Şarê Kurdî Abdullah Ocalanî bêro organîzekerdiş, sîyasetmedaran nê vengdayîşî kerd: "Ma do vengdayîşê xo yê semedê caardişê heqê hêvîye newe bikerê, ma pêro şaran dawet kenê ke bi hawayo tewr xurt beşdar bibê."

	 

	Platforma Sazgehê Demokratîkî do siba Amed de rayîrşîyayîşêk organîze bikero, bi sloganê "Ma semedê heqê hêvîye ver bi azadîye rayîr ra şinê" û "Ma semedê heqê hêvîye semedê Rayber Apo ver bi azadîye rayîr ra şinê" bi waştişê naskerdişê heqê hêvîye semedê Rayberê Şarê Kurdî Abdullah Ocalanî do rayîrşîyayîş bêro organîzekerdiş. Rayîrşîyayîşo ke do siba saete 4:30 şanî de dest pê bikero, do verê Zîndanê Tîpa Eyê Amedî ra qezaya Rezanê Amedî de dest pêbikero û verê AZC Plaza Kuçeyê Ofîsî de biqedîyo. Hemsereka Partîya Herêmê Demokratîkî (DBP) Çîgdem Kiliçgun Uçar zî do beşdarê rayîrşîyayîşî bibo.

	 

	Vernîya rayîrşîyayîşî de, aktîvîsta Têgêrayîşê Cinîyanê Azadan (TJA) Nur Aytemur û Temsîlkara Hemsereka Partîya Herêmê Demokratîkî (DBP) ya berpirsîyarê organîzekerdişî Narîn Gezgor venga beşdarbîyayîşî kerdî.

	 

	'Azadîya Rayberê ma do semedê Tirkîya û Rojhelatê Mîyanên bibo hetkar'

	 

	Nur Aytemur muhîmîyê rayîrşîyayîşî ser o wina veng da: "Konseya Ewropayî do 15-17ê êlule de kom bibo ke heqê hêvîya Rayberê ma bipawo. Ma bawer kenê ke azadîya Rayberê ma do zaf bibo hetkar semedê aştîya Tirkîya û Rojhelatê Mîyanên. Ma venga pêro şarê xo danê ke bi taybetî cinî, dayîk û ciwanan kenê ke nê prosesî ko bikerê û 17ê êlule de saete 4:30 şanî de verê Zîndanê Kanî de azadî biwazê."

	 

	'Ma plan viraştê ke ma vengê xo berz bikerê’

	 

	Narîn Gezgor zî dewam kerd û va, "Serra 2023ine de, kampanyayêke dinya semedê azadîya Rayberê Şarê Kurdî Abdullah Ocalanî ame destpêkerdiş. Çarçewaya na kampanya de xeylêk çalakî ameyî organîzekerdiş. Mabêne 15 û 17ê êlule de, Konseya Ewropayî do binpaykerdişê heqê hêvîye yê Rayberê Şarê Kurdî Abdullah Ocalanî ser o munaqeşeyan bikero û bireso qerarêk. Sey Platformê Sazgehê Demokratîk, ma hem çarçewaya kampanyaya azadîya dinya de û hem zî semedê venga heqê hêvîye ke do bêro ercnayîş û semedê vindarnayîşê binpaykerdişê heqê hêvîye ke binpaykerdişêk heqê merdiman ê mîyanneteweyî yo û semedê berzkerdişê vengê xo plan viraştê."

	 

	'Bêrê ma bi vengêk berz azadîya Birêz Ocalanî biwazê'

	 

	Narîn Gezgor tewr peyîn wina va: "17ê êlule de, ma Amed, Wan û Mersîn de sey platformêk sazgehê demokratîkî, bernameyê rayîrşîyayîşî organîze kerd ke ma eşkenê bi vengêk berz azadîya Birêz Ocalanî biwazê û bi vengêk berz neql bikerê ke Birêz Ocalan yewin muxatab o. Ma şarê Kurdistanî û Tirkîya, ciwan, cinî, karker, kedkar û pêro bindestan dawetê nê rayîrşîyayîşî kenê. Ma vengdayîşê xo newe ra bikerê ke binpaykerdişê heqê hêvîye ke binpaykerdişê rûmetê merdimî yo, werte ra wedarnê û nê heqî pê bîyarê. Ma pêro şaran dawet kenê ke bi hawayêko tewr xurt beşdar bibê.”