Heyetê Cinîyan Parîs de yo: Destkewtişî ameyî munaqeşekerdiş

2025-09-17 14:51:06


	 

	 

	MERKEZÊ XEBERAN - Heyetê Cinîyan ê Vakur û Rojhelatê Sûrîye, Parîs de heq û destkewtişê înan munaqeşe kerd. Cinîyan serrgêra serewedaritişê "Jin Jiyan Azadî" de fotografêk Jîna Emînî girewt ke destekdayîş bidê têkoşînê cinîyan yê çar hetê dinya.

	 

	Heyetê cinîyê Vakur û Rojhelatê Sûrîye geyrê xo yê Ewropayî yê semedê aşmêke, dewam kenê. Heyet, paytextê Parîsê Fransayî de hîrê kombîyayîşê fermî organîze kerd. Nê kombîyayîşan de pêvînayîş bi Şaredara Parîsî, temsîlkara Şaredarî û çend endamê cinî û eynî wextî de bi Weqfê Daniella Mitterrand û Keyeyê Elewiyan ê Parîsî dir virazyayî.

	 

	Kombîyayîş de rewşa Sûrîye ya pêroyî û bi taybetî zî rewşa Vakur û Rojhelatê Sûrîye ame munaqeşekerdiş. Heyetî bale ant serê meseleya sîyasî û merdimayî yê ke herême ci dir rî bi rî ya.

	 

	Rewşa cinîyan a Sûrîye, şorişê cinîyan û şert û mercê cinîyan ê binê Partîya Baasî û hukmetê demkî de zî ameyî munaqeşekerdiş. Muhîmîyê xurtkerdişê neqlkerdişê mabêne cinîyan de, kûrkerdişê têkiliyan û pawitişê destkewtişan û eynî wextî de dewamê  têkoşînê semedê heqê hîra, ame dîyarkerdiş. Peynîya kombîyayîşî de, çalakîkeran fotografê Jîna Emînî berz kerd û serrgêra hîrêne ê serewedaritişê "Jin Jiyan Azadî" yad kerdî.