3 aşmî de tehlîyeyê 10 tepişteyê sîyasî ame astengkerdiş 2025-09-18 10:08:08   Elfazî Toral    STENBOL - 3 aşman de pey hev tehlîyekerdişê 10 tepişteyan ame astengkerdiş û pêro astengî zî bi eynî sebebî ame kerdiş.   Zîndanê Cinîyan ê Bakirkoy de pê dima tehlîyeyê tepişteyan yeno astengkerdiş. Tepişteyê cinî yê zîndanê Bakirkoyî de yenê tepiştiş, sere de bi caardişê psîkolojîkî û şîdetê vatişî, bi xeylêk binpaykerdişê heqan dir yenê rî bi rî. Ancî înfazê tepişteyan yeno taloqkerdiş û veşnayîş. Zîndanê Bakirkoyî yê Cinîyan de 3 aşman de pê dima tehlîyeyê 10 tepişteyê ke mîyan de tepişteyê 30 serrî tepişteyî zî est ê, ame taloqkerdiş.   3 aşman de tehlîyeyê 10 tepişteyan ame astengkerdiş   Zîndanê Bakirkoyî de pêwa tarîxê veradayîşê 28 tepişteyî estbî, înan ra 10 hebî, 9 hebî bi qerarê heyetê tehlîyeyê înan ame astnegkerdiş. Nê tepişteyî Zelal Kiliç, Delal Tekdemîr, Turkan Karadaşli, Mekiye Sonuk, Dîlek Oz, Sureyya Bulut, Sîlva Rashîdî, Eylem Ozer û Dîlan Kutlu ya. Yê Dîlan Turane zî 4ê êlule de înfazê aye ame veşnayîş.   Netîceya agahîya ke avûkatan ra ame girewtiş, derheqê tepişteyê tehlîyeyê înan ame taloqkerdiş agahî wina ya:   “Zelal Kiliç   Veradayîşê bi şert ê Zelal Kiliç pêwa ke ganî 1ê çele de pê biameyîne, heyet tehlîye derg kerd. Îtîrazî ameyî kerdiş zî hetê dadgeha cezaya giran û dadgerîya înfazî ra ame redkerdiş û tehlîye taloqê aşma teşrîna peyêne ame kerdiş.   Delal Tekdemîr   Veradayîşê bi şert ê Delal Tekdemîr zî 23ê hezîrane de bî la pêwa nê tehlîyeyê aye heyetê îdarî ra ame astengkerdiş û înfazê aye hîrê aşman ame dergkerdiş. Îtîrazî ameyê kerdiş zî ame redkerdiş. Tarîxê newe ra ercnayîşê semedê Delal Tekdemîr 3ê teşrîna verêne de yo. Delal Tekdemîr 68 serrî ya û problemê aye yê weşîye yê cidî est ê. Di çokê aye de protez est ê.   Turkan Karadaşli   Veradayîşê bi şertê Turkan Karadaşli 13ê temmuze de bî. La pêwa nê cezaya dîsîplînî kerdî sebeb û  înfazê aye hîrê aşman ame dergkerdiş. Ercnayîşê Turkan Karadaşli do 17ê teşrîna peyîne de bo.   Mekiye Sonuk   Veradayîşê bi şertê Mekiye Sonuk pêwa ke 11’ê êlule de bî, ewilî cipersayîşî dîsîplînî kerdî sebeb û dima ra zî hîrê rey û tewr peyîn zî bi qerarê heyetî yê bêhuqûqî tehlîyeyê aye hîrê aşman ame taloqkerdiş. Ercnayîşê Mekiye Sonuk do 24ê teşrîna verêne de bêro kerdiş. Tehlîyeyê Mekiye Sonuk zî 12ê kanûnê de yo û înfazê aye bi hawayêk fîîlî yeno veşnayîş.   Dîlek Oz   Verdayîşê bi şertî yê Dîlek Oz 23ê çele de bî la hetê heyetî ra bî hîrê aşman ame taloqkerdiş. Îtîrazê ke ameyî kerdiş, ameyî redkerdiş. Ercnayîşê Dîlek Oze ya newe 28ê teşrîna peyêne de yo. Dîlek Oz 30 serrî yo tepişte ya û nêweşa qelbî, astim, gurçik û tansiyona berzî ya.    Sureyya Bulut   Veradayîşê bi şertî yê Sureyya Bulut 16ê teşrîna peyêne de bî. La hîrê aşman înfazê aye ame dergkerdiş. Îtîrazî ameyê kerdiş ameyî redkerdiş. Ercnayîşê newe 28ê teşrîna peyîne yo. Sureyya Bulut 31 serrî yo tepişte ya û nêweşa tuberkuloz û sentromê Wernîcke Korsakoff a.   Sîlva Rashîd   Veradayîşê bi şert ê Sîlva Rashîd 28ê kanûna 2024ine de bî. La bi sebebê cezaya dîsîplînî ame û hîrê aşmî ame dergkerdiş. Ercnayîşê newe yê Sîlva Rashîd 28ê teşrîna peyêne de yo.   Eylem Ozer   Eylem Ozer ganî 24ê gulane 2024ine de biameyîne veradayîş. La serrêke de tehlîyeyê aye bi sebebê cezaya dîsîplînî yena astengkerdiş. Ercnayîşê newe 28ê teşrîna peyêne de yo.   Dîlan Kutlu   Veradayîşê bi şertê Dîlan Kutlu 14ê adara 2024ine de bî. La serrêke de tehlîyeyê aye yena astengkerdiş. Tehlîyeyê Dîlan Kurta heq kerda zî 5ê teşrîna verêne de yo.   Dîlan Turan   Veradayîşê bi şert ê Dîlan Turan zî 17ê tebaxa 2024ine de bî. La qerarê heyetî ame taloqkerdiş. Tehlîyeyê Dîlan Turan 2026ine de aşma teşrîna peyêne de yo.