Tepişteyê cinî venga Nasim Gholamî Simiarî kerdî 

2025-10-21 15:40:05


	 

	MERKEZÊ XEBERAN - Tepişteyê sîyasî yê cinîyan ê Zîndanê Evîne venga Nasim Gholamî Simiarî kerd ke semedê piştgirîya Farîba Kemalabadî grevê vêşanîye dest pêkerdîbî ke çalakîya xo biqedênê.

	 

	Tepişteyê sîyasî yê cinîyan ê Zîndanê Evîne mektubêk semedê tepişteya sîyasî Nesim Gholami Simiarî ke semedê protestokerdişê muameleyê hemverê Bahaî Fariba Kamalabadî ke wextê veradayîşê aye amebî astengkerdiş, grevê vêşanîye dest pêkerdîbî, weşana. Mektube de, tepişteyan Simiare ra waşt ke weşîya xo nêkero tehluke û grevê xo yê vêşanîye biqedêno.

	 

	Mektube de wina ame vatiş:

	 

	“Nasim Gholamî Simiarî dimayê çar mengan cigêrayîş û tecrîd berdê beşê tepişteyê sîyasî yê cinîyan ê Zîndanê Evîne. Ma zêdeyî di serran o pê dir ciwîyenê û bi çimanê xo şahidîyê birînanê serê beden û ruhê ci kenê. Sebir û xoverdayîşê ci yê bêdawî, teberê dejê ci yê domdar, ma rê îlham dano.

	 

	Hemverê bêheqî de grevê vêşanîye de yê

	 

	Nesîme nika sey nêrazîbîyayîşêk heqdar hemverê bêheqîyê serê Farîba Kemalabadî grevê vêşanîye de ya. Endama bawerîya Bahaî Farîba Kemalabadî nêzdîyê 14 serran ciwîyayîşê xo zindanî de derbas kerda ke nêzdîyê hîrê serranê înan Tehran û Meşhedî de hucreyanê yewkesî de derbas bîyo. Wextê ke paweyê veradayîşê aye bî, hêzanê asayîşî, aye û keyeyê aye agahdar kerdîbî ke veradayîşê aye nêzdî yo. Labelê, tam wextê veradayîşê aye de, qerar ame betalkerdiş û veradayîşê aye ame redkerdiş. Ma zanê ke Nesîme ciwîyayîşê xo kerda tehluke ke na bêheqîya girane dinya rê bido eşnawitiş. Vengê to yê semedê edaletî ame eşnawitiş û ma waştiş kenê ke ti grevê xo yê vêşanîye biqedênê.