Efrîn de keyeyêk hedef ame girewtiş 

2025-11-14 15:30:21


	 

	MERKEZÊ XEBERAN - Hêzê paramîlîter ê ke bi Tirkîya rê girêdayeyê, Efrîn de keyeyêk hedef girewt. Kesêk ame qetilkerdiş, cinîyêke zî bi giranî birîndar bî.

	 

	Rêxistina Sûrîye ya Heqê Merdiman (SOHR) eşkera kerd ke 13ê teşrîna peyêne paşeme saete dorê 03.00ine de dewa Meyremîn a girêdayeyê Şera ya Efrînî de hêrişêk keyeyêk ser o ameyo kerdiş.

	 

	Goreyê eşkerayîye, hêrişo ke hetê hêzê paramîlîter ke îşxalkerdişê Tirkîya dir girêdayeyê ameyo kerdiş de, welatijo bi nameyê Îbrahîm Ehmed Yasîn cayê hedîse de ameyo qetilkerdiş; cinîya ey Menal Mehmûd zî bi giranî birîndar bîya. Wextê hedîse de tutê înan ke keye de bi, ameyo girêdayîş.

	 

	Menal Mehmûd ke bi giranî birîndar bî, berdîyaya nêweşxane. Ame eşkerakerdiş ke rewşa Menal Mehmûd nêweşxane de binê çimdarî de ya, hema zî giran a.

	 

	Ame neqlkerdiş ke dimayê hedîse, çeteyî herême ra dûr kewtê.