
Hemverê şîdetî de qeraxê Firatî de çalakî 

2025-11-21 15:10:48


	&nbsp;

	RIHA - Hetê Meclîsê Cinîyan ê DEM Partî ya Rihayî ra, semedê yadkerdişê cinî û tutan ê ke ameyî kiştiş qeraxê Çemê Firatî de zincîrêk viraştî. Çalakî de vengdayîşê têkoşînê komelkî hemverê hêrişan ame kerdiş.

	&nbsp;

	Bi serkêşîya Meclîsê Cinîyan ê Partîya Têduştî û Demokrasîyê Şaran (DEM Partî) yê Riha, bi munasibetê 25ê Teşrîna Peyêne Roja Têkoşînê Hemverê Şîdetê Cinîyan ê Mîyanneteweyî ser o taxa Çatakî ya Hewagê Riha de bernameyêk ame viraştiş. Xeylê cinî beşdarê bernameyî bîy. Bername bi arayî dest pêkerd. Dima ra cinîyan verê xo da qeraxê Çemê Firatî û tîya de zincîrêk viraşt û bale antî şîdetê cinîyan ser.

	&nbsp;

	Derheqê çalakî de Verfeka Meclîsê Cinîyan ê DEM Partî ya Rihayî Zubeyde Îstek eşkerayî da û va: “Nîmeyê serre de 136 cinî ameyî kiştiş û 145 cinî binê şertê gumanî de merdî. Tena aşma êlule de 20 cinî hetê camêrdan ra ameyî kiştiş û 22 cinî binê şertê gumanî de merdî. Her agahîya newî ya ke derheqê kiştişê Rojîn Kabaîşe de vejîyena, reyke bîn eşkera keno ke nê welatî de kiştişê cinîyan senî bi hawayêko sîstematîk yenê nimitiş.

	&nbsp;

	Ma hemverê kiştiş û hêrişan vengdayîşê têkoşînê komelkî kenê. Ma wayîrê vengdayîşê “Aştî û komelê demokratîkî” vejîyenê. Ma do bi felsefeya “Jin jiyan azadî” hemverê tecrîd, kedwerî, hêriş û kiştişan têkoşîn bikerê. Ma do 25ê teşrîna peyêne de wareyan de bê.”

	&nbsp;

	Çalakîya cinîyan bi sloganan peynî bî.

	&nbsp;

	&nbsp;