Kongra Star: Hemverê sûcê Şêxmeqsud û Eşrefîye de bêveng memanê

2026-01-12 14:25:06


	 

	MERKEZÊ XEBERAN – Kongra Star bi eşkerayîyêke nê vengdayîşî kerd û va: “Vengdayîşê ma semedê pêro raya pêroyî yê mîyanneteweyî, sazgehê heqê merdiman û pêro rêxistinê cinîyan; hemverê kerdişê ke taxê Şêxmeqsûd û Eşrefîye cinî, tutî, ciwan û pêro pêameyê yeno kerdiş, bêveng nêmanê.”

	 

	Kongra Star derheqê sûc û kerdişê taxê Şêxmeqsûd û Eşrefîye yê Helebî ser o cinîyan eşkerayîye da.

	 

	Eşkerayîye de ame dîyarkerdiş ke “Çend rojan de Şêxmeqsûd û Eşrefîye çeteyê gonîwerî û çeteyê dewleta tirkan verê çimanê dinya hemverê cinî, tutî û merdimîye de sûcê girdî kenê.”

	 

	Ame dîyarkerdiş ke “nê çeteyî bîyayîşê şaran, têduştî, pîya cuyayîş û awankerdişê sîstemê azadîye mîyanê aştîye de qebûl nêkenê” û ame vatene: “Cinîyê ke Şêxmeqsûd û Eşrefîye de xoverdayîşê rûmetî kenê, îşkenceyê ke bedenê înan ser o yeno kerdiş û teşhîrkerdiş sûcê şerî yo.”

	 

	Peynîya eşkerayîye de no vengdayîş ame kerdiş: “Vengdayîşê ma semedê pêro raya pêroyî yê mîyanneteweyî, sazgehê heqê merdiman û pêro rêxistinê cinîyan; hemverê kerdişê ke taxê Şêxmeqsûd û Eşrefîye de cinî, tutî, ciwan û pêro pêameyan ser o yeno kerdiş, bêveng nêmanê. Ganî pêro cimatê biwijdan bikewê mîyanê lez û têgêrayîşî. Heme berpirsîyarê nê kerdişan ra hesab bêro waştiş û bi dadgehan de bêrê muhakemekerdiş.”