MKG’yî muxabiranê ETHA’yî rê qert şirawit 

2026-02-18 15:15:46


	 

	MERKEZÊ XEBERAN - MKG’yî seba muxabiranê ETHA’yî yê girewteyan, qertê piştgirî erşawitê. 

	 

	Temsîlkarîya Komela Rojnamegeranê Cinî ya Mezopotamyayî (MKG) ya Wanî seba ke piştgirî bidê muxabiranê Ajansê Xeberan ê Etkînî (ETHA) Pinar Gayip, Nadiye Gurbuz û Elîf Bayburt ê ke operasyonê vera Partîya Sosyalîst a Bindestan (ESP) de 3ê sibate de ameybî destbendkerdene û 5ê sibate de ameyê girewtene, MKG’yî xeylê postaxaneyê merkezîyan ra qertê piştgirî û kitabî erşawit.

	 

	Çalakîya ke bi serkêşîya MKG'yî de Wan, Anqara, Stenbol û Amed de ame organîzekerdiş de mesajê piştîdayîşî ame dayîş.