Cizîr de Konferansê Şaredarîya Konumî ame organîzekerdiş

2026-04-27 15:16:45


	 

	ŞIRNEX - Îdarekardişanê Herêmî yê DEM Partî yê qezaya Cizîrî ya Şirnexî de bi sloganê “Komun Şaredarî yo, Şaredarî Komun a” konferansêk organîze kerdî.

	 

	Îdarekardişanê Herêmî yê Partîya Herêmanê Demokratîkî (DEM Partî) qezaya Cizîrî ya Şirnexî de bi sloganê “Komun Şaredarî yo, Şaredarî Komun a” konferansêk organîze kerdî. Program, ke salona konferansî ya Şaredarîya Cizîrî de ame organîzekerdiş, zaf kesî tewrê aye bîyî. Pankartê bi nuştişê “Komun Şaredarî yo, Şaredarî Komun a” salone de daliqnayî.

	 

	Program bi deqeyêk bêvengî semedê yadkerdişê kesanê ke têkoşînê azadîye de dinyaya xo bedelnayî dest pêkerd, dima ra zî nawitişê slaytî yê perspektîfê Rayberê Şarê Kurdî Abdullah Ocalanî yê îdarekardişê şaredarîye ser o ame pêşkêşkerdiş.

	 

	Meselayê ke do bêrê munaqeşekerdiş

	 

	Qiseykerdişê akerdişî endamê Komîteya Îdarekardişanê Herêmî ya DEM Partî Metîn Klavuz ra ame kerdiş. Metin Klavuzî va: “Helwestêk ma esto ke belgeyê polîtîkaya ma pê ano, la yê tewr muhîm, paradîgmayêk ma ya ekolojîkî, demokratîk û azadîya cinîyan est a ke ma bi zelalbîyayîşî ekranî ser o dî. No konferans semedê pêşkêşkerdişê xebatê ma yê di serrê vîyarteyî yo. Ma do çîyê ke ma nê di serran kerdî û yê ke ma nêkerdî munaqeşe bikerê. Hîrê serrî mend. Yew do semedê kampanyayê weçînitişî bêro xerckerdîş û bi kilmî, di serrî vernîya ma de yê. Ma do ser çîyê ke ma nê di serrî de do bikerê munaqeşe bikerê. Ma do pîya probleman ser û çareserîye munaqeşe bikerê.”

	 

	Dimayê qiseykerdişê akerdişî, konferanso ke çapemenîye ra padeyebi, dewam kerd.