
ÎSÎG: Tewr tay 189 karkerî dinyaya xo bedelnayî 

2026-05-06 14:57:50


	&nbsp;

	MERKEZÊ XEBERAN - Goreyê dayeyê Meclîsê Asayîşê Kar û Weşîya Karkeran (ÎSÎG), aşma nîsane de Tirkîya de tewr tay 189 karkerî dinyaya xo bedelnayî. Xeylêk qurbanî cinî, tutî û multecî bî.

	&nbsp;

	Meclîsê Asayîşê Kar û Weşîya Karkeran derheqê aşma nîsane "Raporê Cînayetê Karî" weşan kerd. Goreyê raporî temamê Tirkîya de tewr tay 189 karkerî dinyaya xo bedelnayî.

	&nbsp;

	Ame neqlkerdiş ke qurbanîyan ra 14 ci ra cinî, 5 ci ra tutî û 3 zî multecî yê.

	&nbsp;

	Tewr zêde zî sektorê înşaetî û viraştişê rayîrî ra karkeran dinyaya xo bedelnaye.

	&nbsp;

	&nbsp;