
Anqara de do semedê statuya kurdkî rayîrşîyayîş bêro organîzekerdiş 

2026-05-13 14:12:46


	&nbsp;

	ANQARA - Platformê Sazîyanê Demokratîkan, çarçewaya 15ê Gulane Roşanê Ziwanê Kurdkî de bi waştişê perwerdeyo fermî yê ziwanê kurdkî, ver bi Wezaretê Perwerdeyî de rayraşîyayîşêko pîl organîze bikero.

	&nbsp;

	Platformê Sazîyanê Demokratîkan ê Anqara, çarçewaya 15ê Gulane Roşanê Ziwanê Kurdkî de bi waştişê perwerdeyo fermî yê ziwanê kurdkî û bi sloganê “Statuya Kurdkî Perwerdeyê bi Kurdkî” rayraşîyayîşêk virazeno. Rayraşîyayîş do 15ê Gulane roja îne, saete 17:00 de verê bînaya Komeleya Ziwan, Kultur û Hunerî ya Ankayî (ANKA-DER) ke qezaya Çankaya ya Anqara de ya dest pêbikero. Rayraşîyayîş do verê Wezaretê Perwerdeyî de peynî bibo û tîya de eşkerayî bêra dayene.

	&nbsp;

	Sewbîna, eynî roje de qezaya Çankaya de, Eywana Nergîsî de hetê Koma Anatolî û Koroya Tutan a Anatolî ra konserêk bêro kerdene û hetê ANKA-DERî ra zî tîyatroyê tutan bêro mojnayîş.

	&nbsp;