112 xelatgirê Nobelî seba Nêrgiz Mihemedî veng dayî

2026-05-13 15:11:08


	 

	MERKEZÊ XEBERAN - 112 wayîrê xelata Nobelî derheqê rewşa weşîya Nêrgiz Mihemedî de fikarê xo ardî ziwan û seba azadîya aye veng da.

	 

	112 wayîrê Xelata Nobelî yew eşkerayîyêka hemkare de derheqê tehlukeyê cuya tepişteya sîyasî Nêrgiz Mihemedî ser de vera Îranî hişyarî da.

	 

	Eşkerayîye wina ya:

	 

	‘‘Ma veng danê berpirsîyarê hukmatê Îranî û cimatê mîyanneteweyî ke bê ereymendişî, seba azadîya Nêrgiz Mihemedî û tedarikkerdişê heqê aye yê weşîye gaman bierzê. Cuye Nêrgize mîyanê tehlukeyêk pîlî de ya; çike çend aşmî yo vernîya resnayîşê aye ameyo girewtene ke nêeşka bireso doktoranê taybetan. Nêbeno ke tu kes seba ewnîyayîş û nêrazîbîyayîşêk aştîyane yan zî pawitişê heqê merdiman bêro tepiştene; tu zîndan nêeşkeno xebata seba rûmet û edaletî bêveng bikero.’’

	 

	Kesê ke eşkerayîye îmze kerdî nê yê:

	 

	"11 wayîrê Xelata Nobelî ya Aştîye, 29 wayîrê Xelata Nobelî ya Fîzîkî, 29 wayîrê Xelata Nobelî ya Doktorî (Bijîşkîye), 26 wayîrê Xelata Nobelî ya Kîmya, 12 wayîrê Xelata Nobelî ya Ekonomî û 5 wayîrê Xelata Nobelî ya Edebîyatî."