
Dewaya rojnamegere Ceylan Şahînlî ameye taloqkerdiş  

2026-06-15 14:27:58


	&nbsp;

	RIHA - Dewaya muxabire Ceylan Şahînlî ya ke seba vîrardişê rojnameger Cîhan Bîlgîn û Nazim Daştanî ameyêne muhakemekerdene, ameye taloqkerdene.

	&nbsp;

	Seba programê vîrardişê rojnamegeran Cîhan Bîlgîn û Nazim Daştanî yo ko qezaya Pirsûsê Rihayî de amebî viraştene, roniştişê tewr verên ê dewaya ke Mehkemaya Cezayanê Sivik a Pirsûsî ya 4. de vera muxabira Ajansê Mezopotamya Ceylan Şahînlî, hemserekê verên ê Rihayî yê DEM Partî Bekîr Karakeçîlî, hemsereka verên a Dîlokî ya DEM Partî Zozan Ayhan û hemserekê verên ê Amedî ya DBP’yî Şîrîn Gurbuz amebî akerdene, ameya vînayene.

	&nbsp;

	Ceylan Şahînlî û Zozan Ayhan tewrê roniştişê bîyî û Komela Huqûqnasanê seba Azadîye (OHD) ya Şubeyê Rihayî zî roniştişî taqîb kerd.

	&nbsp;

	Roniştişî ra dima tesbîtkerdişê nasnameyan dest pêkerd û pawitîşê Zozan Ayhan û Ceylan Şahînlî ame girewtene. Dima zî avûkatan pawitîş kerd û dîyar kerd ke ê do pawitişê xo yê hîra roniştişê qerarî de bikî.

	&nbsp;

	Heyetê mehkema dimayê pawitişan, seba temamkerdişê kemasîyanê zereyê dosyeyî, roniştişê taloqê 21ê Teşrîna Verêne ya serra 2026î kerd.

	&nbsp;

	&nbsp;