Dewaya îstîsmaro zayendî de seba gumanbarî waştişê 20 serre ceza 

2017-11-29 11:02:06


	 

	Safiye Alagaş

	 

	AMED - Amed de domana 9 serrî rastê îstîsmaro zayendî yê sîstematîk ê pîyê xo M.S, birayê xo û pismamê xo amî. Netîceyê îfadeyê maye de hedîse vejya meydan û derheqê gumanbar M.S de 20 serrî ceza yena waştiş.

	 

	Amed de camêrdo bi nameyê M.S hemverê domana xo ya 9 serrî îstîsmaro zayendî yê sîstematîk kerd. Ser ê gerrekerdişê maya domane  M.S.25ê Temmuze de ame tepiştiş û hetê Yewin Dadgerîya Cezaya Sulhî ya Amedî de ame tepiştiş. Dozgerî netîceyê cigêrayîşo ke ame kerdiş de îdianame amade kerd. Çarçewaya cigêrayîşî de Merkezê Taqîbkerdişê Domanan de verê psîkologan de îfadeyê aye ame girewtiş û domane da zanayîş ke birayê aye Y. û pismamê aye O. zî aye îstîsmar kerdê.

	 

	Rastê şîdetê birayê xo amî

	 

	Domane da zanayîş ke demê vîyarte de, hema mektebe nêqedya bîya birayê ci ameyo dewe û şîdet lê ci kerdo û va aye bi zor esparê wesayîtê keso bi nameyê S.K kerdê û va pîyê aye û birayê aye B. zî wesayît de bîyê. Domane da zanayîş ke pîyê aye, aye berdo keye û îstîsmaro zayendî li ci kerdo.

	 

	Tehdîd kerd

	 

	Domane dîyar kerde ke M.S aye tehdîd kerdo ke hedîse kesî ra nêvajo û ard ziwan ke pîyê aye aşmêk îstîsmar kerdo û fîlmê ke mîyanê ci de zayendî estbîyê dayê temaşekerdiş. Heto bîn ra da zanayîş ke birayê aye Y. û pismamê aye O. zî aye îstîsmar kerdê.

	 

	Rapor de ame tespîtkerdiş ke domane rastê îstîsmarî ameya. Yewin roniştiş zî aşma Kanûne de 3in Dadgeha Cezaya Giran ya Amedî de do bêro vînayîş.