Cinîya ke tabûrcû bî rayîr de cuya xo vinî kerde 

2017-12-16 14:23:50


	 

	DÎLOK - Dîlok de cinîya bi nameyê Yasmîn Ek Hammud dimayê ke nêweşxane ra amî tabûrcûkerdiş, rayîr de kewte erd û cuya xo vinî kerde. Cenazeya Yasmîn El Hammud 5 saet dima ra amî wedartiş.

	 

	Yasmîn El Hammud (27) Dîlok de dimayê ke nêweşxane ra tabûrcû bî, kuçeyê Seferpaşa de gina erd ro û cuya xo vinî kerde. Wezîfedarê weşîye ameyî cayê hedîse û dimayê ke dîyar kerdî Yasmîne cuya xo vinî kerda, şî. Dima ra ramotoxê wesayîtê cenaza ame cayê hedîse û ard ziwan ke raporê mergî çin o, no semed ra ê nêeşkenê cenaze berê. No semed ra zî cenazaya ke bi batanî amîbî piştiş û 5 saetan cayê hedîse de mende bî sebebê reaksîyonan.

	 

	Dimayê ke polîs û wezîfedarê weşî ameyî cayê hedîse girtename (tutanak) ame nuştiş. Cenazeya Yasmîne semedê otopsî berdî Sazgehê Tipê Edlîye.