'Ma Helepçe xo vîr ra nêkenê û ma do seba Efrînî xo ver bidê' 

2018-03-16 14:19:26


	 

	 

	 

	Ronida Hacî 

	 

	TILTEMIR - 16ê Adara 1988 de bi fermanê Serekkomarê Iraqî Saddam Huseyin bi çekê kîmyewî hêriş hemverê Şarê Helepçe xebitnabi. Netîceyê hêrişê kîmyewî de 5 hezar Kurdî cuya xo vinî kerdî. Têkildarê babete endama PYDî Hemdîya Hisên qisey kerde û va: "Qirkerdişê ke Seddamî Helepçe de kerd, nika yeno waştiş ke Efrîn de zî bêro kerdiş."

	 

	16ê Adara 1988 de bi fermanê Serekkomarê Iraqî Saddam Huseyinî bi çekê kîmyewî hêrişê Helepçe kerd. Netîceyê hêrişê kîmyewî de 5 hezar Kurdî cuya xo vinî kerdî. Têkildarê babete Endama Partîya Yewîya Demokratîk (PYD) Hemdîya Hisên ard ziwan ke şarê Kurd her wext bi destê dewletê îqtîdar rastê qirkerdiş ameyê, seserra 21in de zî yeno waştiş ke şarê Kurd bi qirkerdişêke pîl rî bi rî bimanê. La şarê Kurd hêzê xo xoverdayîş ra gênê û do bi têkoşînê xo yê bêhempa nêverdê ke îqtîdar herra înan desteser bike ro.

	 

	'Do şarê Kurd bi xoverdayîşê xo yê bêhempa serkewte bo'

	 

	Hemdîya dîyar kerde ke şarê Kurd bi xoverdayîşê xo yê bêhempa serkewte bê û wina va: "Vizîr Helepçe, ewro zî Efrîn de hêrişê Kurdan kenê. La şarê Kurd bi heme tevgerê xo yê xobawer do rayîr nêdê dagirkeran û do heta peynî herra xo bipawê."

	 

	'Şerê hemverê Efrînî hemverê erjê merdimayî yê'

	 

	 Hemdîya wina dewam kerde: "Sey ke ser Helepçe de bazarê lêşin ameybî kerdiş, ewro zî hêzê mîyanneteweyî ser Efrînî de bazar lêşin kenê. Tîya zî bedelo giran dano zî şarê Kurd o. Erjê merdimayî vurnenê hacetê bazarî. Heme kes baş zano ke şerê hemverê Efrînî hemverê erjê merdimayî yo. Ganî heme kes erjê merdimayî wayîr vejyê û nêverdê qirkerdişê Helepçeyo diyîn Efrîn de bêro kerdiş."

	 

	'Ma Helepçe xo vîr ra nêkenê ma do seba Efrînî xo ver bidê'

	 

	Hemdîya qiseykerdişê xo wina qedêna: "Ma qirkerdişo ke Helepçe ame kerdiş xo vîr ra nêkenê û ma do seba Efrînî xo ver bidê."