
Huner sey sîlehê têkoşînî verê ci dayê îqtîdar 

2018-04-12 09:27:42


	&nbsp;

	ÎZMÎR- Kaykerdoxa 'Tîyatroyê Vera Dêsî' Begum Ateşe dîyar kerde ke cinî xeylê waran eşkenê têkoîn de estbi û huner sey sîlehê têkoşînî verê ci dayê îqtîdar.

	&nbsp;

	Bi talîmatê Serekê TBMMî Îsmaîl Kahramanî, hunermendê cinî nêvejyabî serê sehne û hemverê ci her ke şino reaksîyon zêde benê. Kaykerdoxa 'Tîyatroyê Vera Dêsî' Begum Ateşe da zanayîş ke yeno waştiş cinî kuçeyan, sahneyan bêrê antiş û her tevgerê înan bikerê bin kontrolî û huner ra bidê dûrvistiş û reyke bîn zî bikerê meta.

	&nbsp;

	Begume dewam de wina va: "Ma hunerê xo hemverê camêrdan sey sîleh xebitnenê. Ma a bawerî de yê ke bi no sîlehî têkoşînêke pîl danê. Sîlehê hunerî tewr baş cinî xebitnenê. Semedo ke xozaya cinîyan de xoverdayîş esto. Ne talîmatê Îsmaîl Kahraman û ne zî metakerdişê bedenê cinîyan do cinîyan têkoşînê înan ra bikero. Huner sîleh o û ma verê sîlehê xo danê îqtîdarî."

	&nbsp;

	'Qezencê cinîyan netîceyê têkoşînî yo'

	&nbsp;

	Begume da zanayîş ke ne serê sehne de û ne zî pey sehne de hema hema tu cinî çinbî û bi rojevê polîtîk dir qezenç kerdê û wina va: "Qezencê cinîyan netîceyê têkoşînê înan o. Ma do rastîyê cinîyan her wext bimojnê ra."

	&nbsp;