Di camêrdê sucdarê îstîsmaro zayendî bi aşman o nînê tepiştiş 2018-04-12 09:30:45     MÊRDÎN- Nisêbîn de hîrê camêrdî domana 13 serrî rê îstîsmaro zayendî yê sîstematîk kerdî û hîrê camêrdan ra yew ci ra 40 serrî ceza amî birnayîş  û di camêrdî bîn zî hema teberayê geyrenê.   Qezaya Mêrdînê Nisêbîn de vejyabi meydan ke domana 13 serrî serra vîyarte de awanîyêke veng de hetê hîrê camêrdan ra rastê îstîsmaro zayendî ameya. 2yîn Dadgeha Cezaya Giran ya Mêrdînî de sucê 'îstîsmaro zayendî' ra dewa amî akerdiş û gumanbar Fettah Y 40 serrî û 6 aşmî cezaya hepsî amî birnayîş. Di gumanbarê bînî yê hedîse de nameyê înan derbaz benê zî hema nêameyê tepiştiş. Domane 5ê Adara 2017 de sûcê îstîsmaro zayendî va û va hetê hîrê camêrdan ra hem rastê îstîsmaro zayendî û hem zî rastê îşkence ameya.   Parsekî domane rê ferz kerdê!   Domane îfadeyê xo yê dozgerîye de dîyar kerde ke parsekî aye rê ferzkerdê û seba her wext mecbur menda vejyo teber û va bi desan rey hetê eynî kesan ra rastê îstîsmaro zayendî û tehdîdî ameya û hedîse kesî ra nêvato. Fettah Y. dimayê hedîseyê îstîsmarî ra dima wexto ke polîs dî remayne û ame girewtiş. Fettah îfadeyê dozgerîye de îdia kerd ke domane nas nêkeno, heme suc red kerd û waştişê tehlîyeyê xo kerd.   Rapor hetê Sazgehê Tipê Edlî yê Mêrdînî ame girewtiş de vejya meydan ke sucê îstîsmarî hetê xeylê camêrdan ra ameyo kerdiş. Heto bîn ra nimûneyê DNAyê Fettah Y. ra ameyo girewtiş zî ê domane dir zî seyyewbînî bîyo. Xêrcê Fettah nimûneyê DNAyê xeylê kesê bînan ame vînayîş. Rapor hetê psîkolog ra ameyo amadekerdiş zî ame dîyarkerdiş ke domane manaya huqûq yê hedîse û netîceyê ci baş fam nêkena û goreyê emrê aye hişê aye peyser o.   Dadgehe derheqê Fettay Y de 40 serrî û 6 aşmî ceza birna û di gumanbarê bîn zî tebera geyrenê.