'Operasyonê KCKî serra 9in de bi fezleke û operasyonê qirkerdişê sîyasî dewam kenê 

2018-04-13 12:35:36


	 

	AMED- Binê nameyê KCKî de 14ê Nîsana 2009 de operasyonê qirkerdişê sîyasî dest pêkerdî û pêwa ser ra 9 serrî derbaz bîyo zî temsîlkarê Kurdî hema esîr girewte yê. Avûkat Reyhan Yalçindage va operasyonê KCKî ewro bi operasyonêke qirkerdişê sîyasî bîn dewam keno û dadgehî vera destûrê bingehîn qeraran danê.

	 

	Rayberê PKKî Abdullah Ocalanî 13ê Nîsana 2009 de qerarê adirbestê yew kîşt yê di aşman dewam bikerdêne eşkera kerd ke û dima ra vatişê ‘vernîakerdişê demokratîk’ Tirkîya zêde bi. Mîyanê nê averşîyayîşî de 14ê Nîsana 2009 de hetê Serdozgerîya Komara ya Amedî ra operasyonê KCKî ameyî destpêkerdiş û sîyasetmedarê Kurd ameyî tepiştiş û tewqîfkerdiş.

	 

	Tevgerê Azadîya Kurd îzahat kerde ke tepiştişê daxuyakirin operasyonê KCKî de seba tevgerê Kurd peyser game bidê eştiş ameyo kerdiş. 2014 de bi destpêkerdişê diyalogî dir tay sererastkerdişê qanûnî dir sîyasetmedarê Kurd 5 serrî tepişnaye mendî. Dewaya sereyîn KCKî Amedî de serra vîyarte de netîce bî 111 kesî rê ceza amî birnayîş.

	 

	Avûkat Reyhan Yalçindage derheqê operasyonê qirkerdişê sîyasî de şîrove kerde.

	 

	Dadgere qerar da FETO ra tepişnayê

	 

	Reyhane da zanayş ke binê nameyê KCKî de xeylê sîyasetmedar, îdarekar, endamê meclîsê cinîyan, pawitoxê heqê merdiman û avûkatî ameyî tepiştiş û va: "Yê bi hawayêke vera huqûq hawir goşdarî kerdî, yê qerarê taqîbkerdişê teknîkî dayê, dozger, dadger, mudirîyê polîsan, polîsî na babete de ca girewtê perskerdişê  FETO ra ya tepişnayê ya zî ameyê îxrackerdiş."

	 

	Reyhane dewam de da zanayîş ke heme parlamenter ameyê tepiştiş, pêwa ke çalakîyê înan yê hemverê huqûqî çin o zî hewldayê teberê qanûnî mojnayî ra û heqê sîyasetê nênasnayîş dewam keno. Reyhane wina va: "Binê nameyê derbeyî de seba ke gumanbar têmîyankerdişê zerreyîn vejyayê meydan, binê nameyê Ergenekon, Balyoz û sewbînî de vejya meydan ke heme hukumkerdiş cemaatî kerdê.

	 

	'Dadgehê Cezaya Giran ardî'

	 

	Reyhane ard ziwan ke bi operasyonê qirkerdişê sîyasî yê bi nameyêke bîn dewam kenê û hemserekê partîya diyîn ê muxalefetî, parlamenterê ci hepisxane de yê, qayûm tayînê şaredarîyan bîyê û xeylê hemşaredar nika girewteyê. Reyhane wina va: "Her rey de vanê ma DGM wedarnayê. La na rey Dadgehê Rayeya Taybet muhakemekerdişê KCKî kenê. Heme dadgerî binê nameyê ‘dadgehê azadî' de FETO ra tepişnayeyê. Vejya meydan ke nê dadgeran re zî hemverê huqûqî qerar dayê. Nika zî Dadgehê Cezaya Giran eynî qeraran danê."

	 

	Reyhane peynîye qiseykerdişê xo de 9in serra  operasyonê sîyasî yê KCKî de azadîya fikr û ramanî binê hêrişêke pîl de yê û va heme dosyayê dewa bi pêroyî de qiseykerdiş û îzahatê çapemenî yê.